Coronavirus hi a tlau caan a phan te lai tiah President nih a chim mi cu Nancy Pelosi nih ceilak in aphom

US Democrats (Setan) pawl an mak ning hi cu, mah bantuk in American a si ve mi nih, mah bantuk caan chia an tawn lio ah President bawmh i tim lo in US hi hrawh dih seh a puai lo ti bantuk lungput  in bia an chim mi le an um mi hi cu Election ah Mee pek ngam ding zong an si lo.

United State of America President Donald Trump boruak cu a a chia ngai i, Democrats pawl le left paw nih a fak kho chungin an soisel thangchiat ruangah maw si lai, amah president rian ttuan ning that lo ruangah ti cu election nih fiangternak a tuah te ko lai

Coronavirus, Black Lives Matter Movement le The New York Times Article, Russia Mercenaries pawl nih Afghan ah US Troops um mi lu man, Taliban linked Group pawl an pe tawn ti bantuk thawngpang nih President dirhmun cu a hniamter ngai.

Reuters/Ipsos poll ah Biden nih a tei ngai, natein kum 2016 zoh ah cun Trump nih Hillary cu a tei lai tiah a zum mi an um lo, natein President caah Trump thim a si mi cu vawlei nih mak a ti hrinhrang ko kha

Wednesday Fox Business Network interview ah President Trump nih Covid-19  rai hi a dawng hrim hrim lai tiah a zum ning le a hlan bantuk in nuam ngai in kan um tthan lai tiah Fox’ Blake Burman sin ah a chim mi cu Nancy Pelosi nih nihsawh pa in President Trump cu ceilak in a phom tthan.

Nancy Pelosi nih cun “Mr President, bleaching  le Lysol injection hmangin Coronavirus hi a dawng lai lo. Mah bantuk in Nancy Pelosi nih Trump a phomhnak ruangah bik cu, April thla ah President Trump nih White House Briefing ah “disinfectant nih hin zawtnak cu minute 1 ah a tha khawh dih, mah bantuk in tu rai hi a dawngter khawh lo maw tiah a chim ruangah asi. Credit-Foxnews, New York times

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor