Coronavirus ruangah damlo hngakchia caah a nunnak a pek nu kum 90 bia chim mi; a thil tuah mi nih vawlei a hninh bak ko

Athil tuah mi le bia chim mi cu vawlei nih a phil kho ti lai lo. Zumtu kan caah thlalang bak a si ko. Tu lio thawngpang kan theih mi lakah zumtu zaah thawngpang theih nuam ngai mi pakhat a si ve lai, a ruang cu mah bantuk in midang an dam khawhnak ding caah amah nunnak tiang a siang mi cu zeitluk in dah a lungput a that lai ti kha a fiang ngai.

April ni khat ah khan Belgian nu kum 90 si cang mi, Suzanne Hoylaerts, lubbeek Bul Binkom, Belguim mi cu Covid-19 ruangah damlo in March ni 20 ah siizungah ah chia a si. Sibawi pawl nih ventilator in zohkhen an tim, natein midang zawnruahnak tampi a ngei caah, a herh lo, keimah caah cun, keicu ka dam lio ah ka nun kha Pathian dawtnak thongin nuam tuk i ka hmang cang i, hngakchia hna, keimah nak in a her deu mi caah chia u, a ti hna. Sizung ah an chia hnu ni hnih March 22 ah khan Covid ruangah a thi ve.

Afanu nih a chim ning ah cun Lockdown cozah nih a tuah mi cu nawlngaihtein a zul i, lengah zong chuak loin zia mah bantuk zawtnak hi a chonh kho tiin mak a ti ning Judith nih a chim. Mah bantuk caan, mi kip nih dam an duh i siizung ah an lut thluamah lio ah midang zawnruahnak ngei bu in lungput a ngei khawh mi cu uar um tuk hrinhrang. Belgium ah hin covid ruangah minung 800 hrawng an thi ve cang