Zeibantuk dirhmun ava si zong ah, mah bantuk in na fanu thla 4 mi kha na zuar duh lai mawi? Minung hi lungreithei le ei awk ngei tilo ah cun mah bantuk thil tuah hi fawite a si. Amah fanu, a daw tuk mi cu ei ding an ngei ti lo caah a zuar.
Mah bantuk hi a tlungsual lai tiah cozah lei nih fakpi in mipi caah rian an ttuan. Natein cozah zong a hartuk ve caah si lai, an bawmh khawh lo i, a fanu cu rawl an ei khawhnak ding caah a zuar
Mirum caah zeihman buainak um lo ti khawh a si, mirum tampi economy a hrawh dih, natein mi sinak cu economy hrawh ding mi angei lo caah cungkha bak a hrawh dih cang ko hi. Mah thawngpang hi alar ngai mi a si. India ram chungah lawng si lo in vawlei cungah hot thawngpang bak si cang
Assam ah Kokrajhar district ah pa pakhat Deepak Brahma cu tangka lei ah harnak a tawn caah a fanu thla 4 a si lio mi cu India tangka 45,000 in midang sin ah a zuar.
Deepak Brahma hi Gujarat rian ttuan in a um tawn mi a si, Natein rai zawtnak ruangah rian a ngei ti lo i, tangka a ngei ti lo i, a chungkhar cawmnak ding caah tangka a ngei ti lo caah mah bantuk in a fanu thla 4 a si lio mi cu a zuar mi a si
Natein, mah bantuk in a fanu a zuar mi kong hi NGO lei nih an vun thei cawlh. NGO lei nih Kokraijhar palik sin ah theiternak ant uah. Palik nih afanu cu an lak piak than. Mah kongah hin mi pathum cu palik nih an tlaih cang hna i, IPC Section 370 hmangin register tuahpiak an si. (Hmangthlak hi google mi si, thawngpang he pehtlaihnak a ngei lo) Credit- Timenow
Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.
Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.
Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor
Leave a comment