Coronavirus sertu nu tiah vawlei nih a zum mi Dr. Shi Zhengli ‘Mother of Evil/Bat Woman’, (Misual nu/Papalak nu) an ti mi le Coronaviru ser a si ning, Thil mak tak tak cu si

Ngaihchiat bak a si, Nu/Evi ruangh mi vialte Pathian he ral kan si i, Atu nupakhat Dr. Shi ruangh vawlei cung ramkip ah thinak le lungfaknak a tlung than hoi. Dr. Shi Zhengli hi a hodah a si tiah Science a cawn mi pawl na hal ah cun Coronavirus (SARC Like Coronavirus) sertu a si tiin an nih leh lai. Wuhan Social Media nih cun “Mother of Evil tiin an au/kawh mi a si. kum tampi Bat kong a rak cawn cang mi  si caah “Bat Woman” zong in au a si tawn

Papalak (Bat) ah a um mi Coronavirus hi minung chonh khawh lo bantuk in thei a si. Natein Genome thlak ah cun minung lawng si loin saram dang zong a chonh khawh tiah zum a si. Kum 2013 kum dawng lei ah minung sin ah chonh khawh a si tiah hmuh a si hnuah vawlei mithiam pawl a lau ter ngai hna

Vawleicung ramkip mithiam pawl nih SARS an buaipi lio ah Vawleicungah Journal lar tuk mi, “Nature Journal” ah Virus kong a rak ttial mi cu mi thiam pawl nih an chim duh ngai mi le an rel duh ngai mi pakhat a si i. A paper ttial mi ah cun Papalak ah um Coronavirus thar S Protein nih hin minung ah um ACE2 Receptor he rian ttuanti in minung cell ah an lut khawh tiin a rak chim. Minung ni mah virus hi ngei khawh a si tinak a si.

Dr. Shi hi China ram Henan Provice, XiXia Country ah 26th May 1964 ah a chuak i, Wuhan Institute of Virology a cawn. Kum 1990 kumah Master degree a sih. France ram ah Month Pelliar2 University ah kum 2000 ah PhD a nga i, amah hi coronavirus ah mithiam a si

Vawlei cungah thawngpang ttialtu lar “Nature Journal” ah paper a ttial hlan ah  a chim mi cu, Papalak nih angei mi ACE2 Raptor hi Genome kan thlak ah cun, Virus dang a chuak i, mah nih cun Papalak dang ah SARS Virus a chonh khawh ti a rak chim, natein cu lio ah cun mipi nih a bia chim mi hi zeihman ah an rel piak lo

Kum 2013 ah a ca ttial mi ruangah cun vawlei mithiam pawl nih an zoh peng i, mithiam pawl nih cun a ca ttial mi hi an theithiam cang caah, minung caah a him lo ti an thei caah fakpi in an rak soisel cang i, Natein China ram ah cun research tuah hi cozah nih a siang mi thil a si caah a cungah dantatnak zeihman tuah khawh a si lo

Kum 2015 ah research a tuah than hnuah thil thar a hmuh tthan i, Synthetic virus (Serchawn mi virus tinak) dang pakhat cu Dr. Shi rian ttuan ti le hawi nih an ser khawh i, mah cu Nature Medicine Journal ah an langter i. Laboratory ah zu cu fakpi in a cuap hrawh a si ti langter a si. Cun Synthetic virus nih cun Cross Species Transmission a ngei khawh i, Zu lawng si lo in Zawng zong a chonh khawh ti a si tthan

Cun mah bantuk thil thar a ser khawh caah Dr. Shi le a rian ttuanti haw cu fakpi in soisel le thangchiat an si, America le France ram ah virus cawnmi pawl nih cun fakpi in an soisel i an phomh cawlh i, Cun mah bantuk soiselnak le thangchiatnak a dih hnuah tu Covid-19 nih vawlei cung ramkip muinak khuar ah a kan lut pi cang caah Dr. Shi laboratory in a chuak mi a si lai ti cu vawlei cung ramkip nih an zum mi cu a si

America le ramdang nih cun China ram ah Laboratory cu zohfel an duh i, natein China nih a duh lo. China ram ah Coronavirus cawnnak laboratory nganbik mi hi Wuhan ah a um i, hi Virus hi minung nih ser mi ‘Virus’ ti bia le hla a tam ngai cang. Zeitin a va si zawng ah mah kongah hin bia hman le dik cu a rau hlan ah kan theih cang lai tiah zum a si. Source: May 2, 2020 ZCC News, wiki paedia, Coronavirus: Chinese ‘batswoman’ scientist Shi Zhengli’s chilling prediction. Thil thei tam hi atha caah midang nih an thei i an rel ve khawhnak ding caah like le share in kan bawm ve

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

English ka rel mi le mi dang nih an ttial mi la lak i credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulawm cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor