Coronavirus zawtnak ruangah ICU ah um mi Pastor Mark McClurg, A dam lo buin UK PM Boris Jonhson caah thlacampiak tu cungah Pathian thil tuah mi cu khuruahhar bak a si

Coronavirus ruangah ICU ah a um, natein amah hman i ruat lo in UK PM Boris Johnson caah thlacampiaktu cungah Pathian thil tuah ning le a thlacamnak Pathian nih a leh ning hi a sunglawi tak tak.

Pathian thil tuah ning hi amak chin lengmang ko, atu tiang coronavirus sii an hmuh lo, natein Pathian nih midang cungah a thiltuah khawhning a langter thluamah lio a si. Pastor, Coronavirus ruangah ICU tiang a phan mi nih a chim ning ah cun “Pathian nih UK PM. Johnson cun ah a thawh a chuah in damnak a ngei khawhnak caah ttin thla a cam piaknak” kong a chim

Pastor Mark McClurg kum 40 hi zarkhat chung cu ICU ah thidengmang in a um mi ve i. A umnak siizung Ulster Hospital in inn lei a lawi hlan ah mah kong hi sibawi le rianttuantu sin ah a chim. Amah hi zumtu tha, Pathian caah fakpi in rian a rak ttuan cang mi a si.  Coronavirus zawtnak ruangah ICU ah thi dengmang in a um lio ah mah bantuk in an ram PM caah thla a cam khawh mi cu uar a um tak tak.

Siizung in a chuak hnuah facebook hmangin mipi sin ah social distancing hi thatein rak zawm u tiin bia a ca hna. Siizung in a chuak hnuah PM Boris Johnson cu ICU ah chia a si. Pastor nih mipi sin ah bia a chim tthan mi cu, ICU ah ka rak um cang i, Coronavirus zawtnak ruangah zeitluk in dah a har ti ka fiang tak tak cang, cucaah kan ram PM Boris Johnson caah fakpi in thlacam piak chin chin hna u si tiin a chim. Atu cu PM Boris Johnson zong ICU in a chuak cang.

A thimi an tam tuk cang. US-ah COVID-19 zawtnak ruangah mi 20,577  an thi cang. A damlo mi hi 532,879  an phan cang. USA caah cun khuaci a mui tak tak. A tu dirhmun zoh ah cun mah zawtnak ruangah USA mipi a thi ding mi minung cu a tlawmbik ah 240000 hrawng cu an thi lai tiah zum a si. Zahan suimilam 24 chung ah minung 2018 bak an thi.

President Trump nih USA zumtu sin ah Easter Sunday lio ah tuah ding a ca hna: USA cu Coronavirus in a zawtmi le a thimi tam bik nak ram a si cang……..President Trump nih a office ‘White House’ in USA mipi sin ah bia a chim mi cu zumtu caah cun a sunglawi tak tak. Mah bantuk President Pathian a bochan mi ngei cu zeitluk in dah a sunglawi. Kan zumnak vialte cu Pathian zeizong a tuah kho tu kut ah kan chia tiin a chim.

Mah Good Friday ah hin, vawlei cung ramkip ah um zumtu vialte nih kan Bawipa Jesuh a tuarnak le a thinak kha thei peng hna u si. Easter Sunday ah Jesuh thawthannak sunglawi ngai in kan hmang tthan lai. Mah zaan sunglawi tuk mi lio ah hin, Mit ah hmuh khawh lo mi, a hlan in kan rak tonh bal lo mi cu kan ram nih kan tonh lio a si i.

Sibawi miraltha, Nurse, le rian ttuantu vialte nih khamh kan si khawhnak caah fakpi in rian an ttuan lio a si. Rianttuantu ni sii an phawt thluamah i, Mithiam kan ngei mi Scientist pawl nih mi khamhnak caah fakpi in rian an ttuan lio i, a rian ttuan mi cu a tha tuk i fakpi in an nih zuam lio a si ti ka zum.

Kan mipi nih mah zawtnak hi a dih khawhnak caah fakpi in an nih zuam ve i, Easter sunday ah a hlan in kan za in biakinn ah kan nih pum tawn bantuk in i pum khawh lo in um hman ning law,  Mah caan hi Pathian lei ah thlacamnak le Pathian he kan nih pehtlaihnak tha chinchin khawhnak caah hmang i zuam hna u si.

American mipi vialte sin ah nawlnak ka tuah duh mi cu, kan ram hi Pathian nih a damter khawhnak caah thlacam hna u si. A ngaichiat mi hna sin ah hnangamnak, Sibawi pawl hna an thawn chin chin khawhnak caah, nurse le health workers vialte an dam than khawhnak caah, mah zawtnak in a zawtmi vialte nih ruahchannak an ngei khawhnak ding caah le kan ram hi ahlan nak in a thawn deuh khawhnak caah tiin USA mipi sin ah thlacam ca pa in bia a chim.