Covid he pethlaih in President Joe Biden a tim mi a tlamtling kho ti lo ee!!

President Joe Biden a tim ning ahcun US mipi 70% nih July ni 4 hlan ah Vaccine sii an i chun ding a si ti tiin a rak chim tawn , heh tiah a zuam. Natein President Joe Biden a tim mi cu a tlam  tling kho ti lai lo.

Official nih nihnih Ni ah a thanh ning ahcun, July ni 4 hlan ah, US mipi 70% vaccine an pek khawh lai lo caah US mipi hna cu ralringtein um ding a si tiin thawngthanhnak a tuah

Covid vaccine hi July 4 hlanah minung 70% sin ah pek khawh a si lai lo. Cun atu hi covid zawtnak dang (Delta Variant) hmuh than a si, Mah hi US caah tih nung ngai mi a si tiin thawngthanhnak a tuah

Atu Delta Variant cu hmuh than a si i, Mah hi Covid a  thawngngai mi le tih nung ngai mi a si, Covid vaccine sii aa chun cang mi zong nih fawitein an ngei/chonh khawh mi a si. Cucaah US ca zong ah tih nung tuk mi a si

White House Press Secretary Jen Psaki nih a chim ning ahcun, A hramthawk in nihin tiang heh tiah rian kan tuan i, a hlan nak in tam deuh in mipi nih Vaccine an nga khawhnak ding caah rian kan tuan cuamah lio a si. Cun Midang le bu dang bawmhnak zong kan her ngai tiin a chim

President Biden nih a tim mi, US mipi 70% sin ah July ni 4 hlan ah pek ding ti mi cu tlam a tling kho lai lo, natein July 4 hnuah,  a rang kho in tlamtling ter ding in rian kan tuan lai tiin a chim chap

White House Press Secretary nih a chim ning ahcun, US mino kum 18-26 karlak a si mi nih, Vaccine hi zei ah an rel lo caah sii i chun an duh lo tiin a  chim

Dr. Anthony Fauci nih a chim mi cu, Atu Covid thar an hmuh mi, Delta Variant cu tih nung tuk mi a si. Covid-19 a teikhawhnak ding caah rian kan tuan lio ah mah bantuk in a dang a vun ser than mi cu a poi tak tak mi a si tiin a chim.

Dr. Anthony Fauci nih a chim than ning ahcun, Atu Vaccine sii kan hming lio mi hi, Covid thar (Delta Variant) ah zawng rian a tuan, Atu a thar hi cu kai fawi te tiin a chim. Source – Foxnews

Be the first to comment on "Covid he pethlaih in President Joe Biden a tim mi a tlamtling kho ti lo ee!!"

Leave a comment

Your email address will not be published.


*