Civil Mi Za Hum Mang Cu SAC Ralkap Nih An Thah i, CNDF Ralkap Bantuk In Uniform He An Langhter! Falam peng ah civil mi Za Hum Mang cu SAC ralkap nih an tlaih i an thah hnu ah uniform hrukter in, CNDF ralkap bantuk in an langhter, tiah tantak mi a chungkhar hna nih Khit Thit Media ah an chim. May 29 ahkhan an khua ah SAC ralkap cu an rak lut i, Za Hum Mang nih a hmuh hna tikah lau tuk in a zaam caah SAC ralkap nih cun an tlaih i an thah tiah theih a si.
Za Hum Mang a upa nih cun, “Ka upa Za Hum Mang cu CNDF, PDF na si ti in an kah colh.
CNDF uniform an hrukter hnu ah CNDF kan tlaih tiin an langhter rih i, a ruak cu mei in an khangh.
Ka upa hi mi sawhsawh a si. Khuachung a um lio ah SAC ralkap cu an rak lut i, lau tuk in tlik a timh caah an tlaih i an thah. Cun, a ruak zong mei in an khangh. Kan lung a fak tuk hringhran, a nupi le a fale a kaltak hna i, amah hi kum 37 mi a si,” tiah a chim. CNO nih, May 29 ah Zawlpi khua ah SAC ralkap nih CNDF ralkap pakhat le khuami 1 an tlaih hna i an thah hna hnu ah mei in an khangh hna, tiah an langhter. Cre-TCP
Thawngpang dang…Sagaing ramṭhen, Myuang peng Tamasekan khua khaangtu SAC ralkap pawl cu,
May 29 ah PDF nih kan kulh hna i, kan kah hna caah SAC ralkap 20 leng an thi, hliamhma pu mi zong
an tam,” tiah TTA Guerrilla phu in ṭuanvo ngeitu pakhat nih Myaelatt Athan thawng zamh ah a chim. “SAC ralkap 170 hrawng cu Tamasekan khua an khangh lio ah sml 3 chung kan i kap. Mi 35 Jet Fighter in bomb an thlak pin ah Maheh cawngtu pa zong an kah,” tiah a chimchap. Myuang MS PDF Battalion in ralkap 1 cu, RPG kuan nih a khen caah a nunnak liam i 7 cu an i hliam ko nain thinphan awk a um lo,
tiah TTA Guerrilla phu in ṭuanvo ngeitu nih cun a chim. Cu kahdohnak ah MS PDF, Myaelatt-PDF(MGN District),
TTA Guerrilla, Seven People Defence Force, 27 Revolution Force hna i bawm in an kah hna, tiah theih a si.
==Monywa – Ayardaw Lampi Cung Ah SAC Ralkap Mawtaw Kahdoh A Tong A Thi Mi An Um, Mawtaw Khaltu A Zaam. Sagaing ramtthen, Monywa – Ayardaw lampi cung ah SAC ralkap mawtaw cu Myanmar Pillar Oil dawr pawng ah kahdoh an tong i SAC ralkap 3/4 hrawng an thi i mawtaw mawngtu pa a zaam tiah theih a si. May 30 zan Sml 9:30 hrawngah SAC ralkap 7 hrawng an i cit mi Pajero mawtaw cu bomb in an puah hnawh i
SAC ralkap mawtaw cu an dir i an duhnak poh an kah hrawnh caah a pawng kam ah a thupmi PDF nih
kutser bomb le M16 hna in kan kah chap hna i SAC ralkap a thimi an um, mawtaw mawngtu
cu a zaam tiah People’s Defense Force – South Monywa nih cathanh a chuah. Cu kahdohnak cu Black Dragon Special Task Force၊God Of Monywa People Defence Force၊ Dragon Brothers’ People’s Defence Force hna an i bawm i PDF ralkap a hliammi um lo tein hnu an tolh kho than tiah theih a si.
==NUG Nih Zeihmanh A Kan Bawmh Lo Zongah Kan Ngeihmi Hriamnam In Kan Doh Lai Tiah Saya
San PDF Nih Chim. Yinmarpin pengkomh, Yinmarpin ah umhmun khuarmi Saya San PDF cu,
NUG nih zeihmanh a kan bawmh lo zongah kanmah le si khawh tawk, kan ngeihmi hriamnam in SAC ralkap kan doh lai,” tiah Saya San PDF ṭuanvo ngeitu nih a chim. Bawmhnak le cohlannak an kan tuah rih lo nain NUG phunam ning in hmai kan kal ko lai, tiah a chimchap. “Tualchung mizapi hna bawmhnak in ral kan do, Midang bochan in raltuk cu a ngah lo,
Thalpak te he SAC ralkap kan rak kah hna bantuk in nihin zong thalpak he kan doh rih ko hna.
A dongh tiang kan doh rih lai. NUG cu amah le a rian a ṭuan ve ko lai. Kannih zong kan rian ka ṭuan ve lai. Zeihmanh bawmhnak an kan pek lo zong ah hmai kan kal ko lai. NUG nih cohlannak a kan tuahlo nain, phunglam a sermi kan zulh ve ko lai. Cohlan ding in pehtlaih kan i tim ko nain phone le internet line ṭhat lo caah tlam a tling lo,” tiah Saya San PDF ṭuanvo ngeitu nih a chim.
Saya San PDF ṭuanvo ngeitu nih,” meithal ṭha ṭha le thilthuam ṭha ṭha ngeih lawng ah ral doh khawh
a si tinak a si lo. PDF ah luh lawng zong in ral doh khawh a si hlei lo, ralram va kal zong ah ral doh tinak a si lo. Thawngpang pek le thanh zong hi dohthlennak chung ah kan i tel a si ve, ral doh a si ve ko. Cucaah kanmah le ti khawhnak zawn cio in dohthlennak ah tel ve ding in mizapi sinah forhfialnak bia a chim”. Saya San PDF cu NUG Korea nih sing 20 a rak bawmh bal. Tualchung ah cun mizapi nih bawmhmi le anmah tein kutser hriamnam he SAC ralkap a domi phu an si. Cre-TCP