US cu super power ram si i, freedom ti an uar tuk tikah President nih nawl a chuah mi zong Court ah taza cuai a si lengmang tikah le Court nih US ram hi freedom ram a si tiah phunghrampi hmangin President nih nawl a chuah mi zong a thah piak lengmang tikah mah le pumpak kan biapi bik cang. Atu tih nung tuk mi le vawlei cung ramkip a kan buaiter tu Covid le Omicron
zawhnak in kan him kho nak ding caah lam a um mi cu mah le pumpak cio in i ven le ralring tein umk hi si cang
China in a hun chuak mi vawlei cung pulrai ruangah US cu heh tiah an buai than i, Covid ruangah US ramchungah
a zawh mi an dihlak cu 55,114,000 an si cang. Atu cu Omicron a vun chuak than i, Ni 28 chungah US ram chungah Omicron ruangah a dam lo mi dihlak cu 6 million an si cang tiin JHU nih a langter. Atu hi US ram chungah mah le inn cio ah i test nak ding caah Covid test kits phawt asi cang i, atu cozah nih record a langter
mi nak in an tam deuh lai tiah zum a si. Covid sii voihnih a la cang mi le booster a tuah cang mi zong, Omicron in
a zawh mi le Covid in a zawh mi an tam chin lengmang caah ralrin in um i, Mask hi cu hmang peng i zuam ding a si. Cred-RTK
US nutling, patling an hna a ngam kho ti lo. A si hrim ko ee!! kan vawleicung hi hnangamnak le daihnak a um ti lo e, Jesuh zum i, Pathian caah kan ti khawh tawk ah rian tuan i, zungzal nunnak kan zoh khawhnak caah tim cia tein um hi hnangamnak cu si ko. Kan vawileicung thawngpang kan thei mi hna hi thawngpang
thalo le thawngchia lawngte si cang caah mi tampi cu kumthar 2022 zong hi thinphan nak le tihnak in caan kan
hmang than hoi ko lai ti an ruah caah an hna a ngam kho bak lo, US ram chungah um mi, nutling le patling pawl
zong an lungreithei bak ve be, Nutling le Patling tam deuh nih kum 2022 ah zeibantuk thil kan tawn than hoi ko lai tiah an zum caah tihnak in an khat ko tiin Axios/Momentive poll nih a langter. Polls nih a langter ning ahcun American 58 percent nih kum 2022 ah thawngpang chia a vun chuak than hoi lai in harnak le
buainak in kan um than hoi lai ti an zum i, an lungrei a thei ngai i, kum 2022 kum hi an tih ngai, Natein American 48 percent
nih kum 2022 hi kum tha a si ko lai tiin ruahchannak tampi an ngei tiin Anxios/Momentive Poll nih a langter.
American 35 percent nih kum 2022 ahcun Covid kongah thawngpang chia kan duh ti lo tiin an chim i, American 31 nih rian le economy ah lungreitheinak fakpi kan tawn sual lai ti kan phan caah mah bantuk thawngpang thei hi kan duh ti lo tiin an lungput an langter. American minung 17 percent nih kan ram US
ram chungah Democracy nih a kalpi mi hi a dik ti lo i, Democracy kongah kan thinphan tiin an langter i, 16 percent
nih kan health Care kongah kan lungrei thei lai tiah an lungput an langter. Atu hi US ram chungah thil man cu heh tiah a kai i, supply chain ruangah heh tiah harnak a um caah, Atu hi kum 40 hnuah thil man a kai bik caan a phan.
American 50 percent nih Kum 2022 zong ah mah bantuk thawngpang chia hi kan thei peng ko lai i,
kum 2022 hi thinphan nak le lungreitheinak a si ko lai tiah an chim. American 17 percent nih cun kum 2022 hi economy caah kumchia tak tak/very bad year for the ecomy a si lai tiin, kum 2022 an hmang ding mi kongah an thinphan nak le an lungreitheinak kong an chim. Cred-Newsmax