Ukraine First Lady Olena Zelenska nih thawngpang thar a vun ngei than, February 24 hnuah an fa pahnih hna cu hmun him lei ah a zampi hna, A fale a zampi hnuah interview ah hmuh pa lengmang a si tawn, Russia nih Ukraine a tuk hnu Ni 87 ah a pasal President Volodymyr Zelensky he interview an tuah ti than i’ a chimmi cu, Buainak le harsatnak kan tawn zong ah,
ka pasal hi idonak maw thil dang dang nih ka sin in an ka lak piak kho ding a si lo “, tiin a chim.
Thla 3 leng phone hmang in a pasal he an nih chawn tawn hnuah, Ukraine’s first president Leonid Kravchuk
a thi mi ruak thlanak Kyiv ah an nupa in an nih hmuh. Leonid Kravchuk Ukraine President hmasa bik USSR a kuai hnuah president hmasa bik cu sunglawi nak in vui a si . Leonid a ruak thlanak ah hin Kyiv mayor Vitaly Klitschko zong a tel kho ve, Ukraine first lady Olena zong an ram buainak ruangah a lungreithei tak tak ti ahmaih in fiang tein thei kho si, a der ngai. Cred-RTK
Thawngpang dang relchap….Mah chinpage hi news kaphnih in a tial tawntu kan si, thawngpang
pakhat lei lawng thei hi cu a tlam tling lo tuk caah Side A le B in a tial tawnmi kan si.
Russia le Ukraine buainak kongah thawngpan a linsa chin lengmang i, Minung nunnak nak in a hlu mi a um lo an ti tawn mi kha atu Russia le Ukraine buainak ah hin fiangtein a vun lang than, Ukraine nih Russia he cabuai cungah thatein biaceih ka duh ti lo ti bantuk in a rak nuar, Natein atu cu President Volodymyr Zelensky nih Mariupol Azovstal steel plant Defenders, Neo-Nazi Azov Battalions atu Russia
kut ah a um mi hna pawl damtein le himtein an um khonak ding caah bia le hla a vun ngei than i,
nunnak nak in a hlu mi a um lo tiah a chim, Zelinsky nih television channel interview ah
“Russia le Ukraine cu duh zong duh lo zong ah cabuai cungah biaruahnak a um than hrim ding a si tiin a chim, zeibantuk in biaruatinak kan ngei lai, ramdang bawmhnak in maw, ram pahnih palai lawng maw, presidential level ti cu ka thei lo. Cabuai cungah lawng phising kho dingmi a um, Kan nih lei kap in cun February 24 hlan bantuk khan um than u sih law ti kan duh,
natein Russia lei nih an duh lo tiin a chim. The Kremlin spokesperson Dmitry Peskov nih
lehnak a tuah than i, Ukraine lei kap in cabuai cungah thatein biaruahtinak ngei hi an duh
lo hmasa tiin a chim, Ukrainian broadcaster interview ah Zelinsky nih – Security guarantee a um ahcun zeipoah documents hmangin a um dih ding a si, Mariupol defenders pawl nunnak nak in a sung lawi deuh mi a um lo ruangah a si, Ukraine President hi 2,439 Ukrainian fighters pawl nunnak khamhnak ding caah cun zeipoah tuah a huam bantuk phun in a um. Cre-RTK
Thawngpang dang…Nizan Ukraine Ram thilcang mi kha, a Mak tuk eee, Rak ka ngaithiam hram ko.
Ka Nupi le ka fa le nih bomb le meithal mu a surmi chungin kan luat khawhnak hnga, na Motor ka fir.
Kan i thuhnak hmun in, leng lei ka hei chuah ah khin, Motor a Tawh (Key) ai bunh mi cu ka hei hmuh ko i, a ngeitu le a suat hlamtu an um hnga maw tiah nazi pa-hnih leng ka hngah hnu ah, ka hngak cawk tilo i, ka chungle cu motor chungah ka luhter dih hna cun Vinnitsa khua ummi kan chungkhat le
sinah kan zaam khawh hi a si. Motor chung thil chiahnak box ah phone number hi ka hmuh i,
ka hei call cawlh. Rak ka ngaithiam ko awh, ka chungkhar, zaam pinak caah na
Motor ka fir top ko tiin, zangfah nawl buin, ka hei chimh colh. Motor neitu nihcun, Aaaaa….Ruah lo piin, a lawmawm tuk tung! Apoi tiah ruat duh hlah. Motor pa-Li ka ngeih hna i, keimah lila zong ka motor pakhat Jeep he kan chungkhar dihlak in, hmun dangah kan zaam cuahmah lio pi a si ve. Motor dang pathum hna cu,
Datsi akhat tein rawn cia dih in, a Tawh (Key) bunh cia in, hmun dangdang ah ka chiah hna.
Cun motor chungah ka phone number zong, ka chiah chih dih fawn mi hna an si. Can nih harsatnak cu a liampi te hna lai i, dam tein kan i tong tthan te hna lai cuh, lunglawm tein rak hmang ko uh awh, tiah bia a ka leh. Vawlei ah hin, Mi-ttha le midik hi an um rih da kaw. Mah sahimnak ca lawngah le min-tthat duhnak hna, thih tak bak i, a nung mi zong an um rih cuh. Isaac VBT