David Lai nih Mara Missionary a hnu bik mi, damlo in inhkhun ah a it cang mi Rev. Louise Anne Mark hla a sak piak mi cu mitthli he a zoh ko

David Lai hla sak mi ” Till We Meet Again” ti hla ” Kan in tawn than hlan tiang Pathin nih umpi zungzal seh ti cu a sak piak. David Lai cu atu hi Mara ram cungah Puai nuam tuk mi Lyuva Puai ah hlasak ding in sawm a si. Mara ram khualipi Siaha ah nuam ngai in caan a hmang hnuah, Mara Missionary hnu bik umnak Saiko ah Missionary Rev. Louise Anne Mark zoh ding in a kal. Anner Mark hi a dam lo ngai i, a tu hi ihkhun ah a it peng. Mara nih atu tiang Missionary an ngeih mi hi a sunglawi tuk i, atu tiang missionary nih a dam pi mi hi Pathian thlachua a si. David Lai nih Pi. Anne Mark zoh ding in saikao ah a kal, A dam lo ngai caah “Till we meet a gain” kan in tawn hlan tiang ti cu hla a sak piak. Pi. Anne Mark nih David Lai cu a zoh i mitthli he a um ve ko. VIDEO ZOHNA

US cu thinphang tuk dirhmun an phan cang. US mipi chungin zawtnak hrik a kaimi hi 2000 renglo ah si cang. Athimi hi minung 47 an phan cang tiah report nih a chim. Atu cu President Trump nih US ramchung thil acangmi kongah emergency thawngthanhnak a tuah cang. Tutan ah President nih emergency Order chuahmi hi aphuah chommi si loin  1988 ah Congress nih a rak passed mi  Stafford Act timi cherhchan in a si. Mah Stafford Act hi mah ramchung runvennak caah a si.

Stafford Act nih hin ramchung minung harnak an ton tikah irunvennak caah sermi asi. “save lives and to protect property and public health and safety.” Mah hmangin President nih national emergency athanh hi a si. Stafford Act phuan a si ruangah Federal Emergency Management Agency (FEMA), nih $ 42.6 billion achuah ding a si nain press conference ah $ 50 billion chuah dingin hnatlaknak an tuah cang. Zawtnak dohnak dingah atu cu $ 50 billion bak hman ding asi cang.

US zong nih heh tiah aa zuam ko, nain nihin tiangah cun ramchung minung an thi cuahmah ko. Zawtnak hrik kaimi an karh chin thluahmah ko. Nihin ah US nih ral lian bik doh dingin an ihmaithlakmi cu covid-19 zawtnak hi asi ko cang. Hi zawtnak nih hin ramchung thimnak kongah tampi ahnursuang. Tutan ah President Trump nih Stafford Act cherchanh in athanhmi national emergency bantuk hi President hlun Bill Clinton zong nih West Nile  virus ruangah a rak phuan bal cangmi a si.