Nancy Pelosi hi a huat mi tampi an um, natein amah hi vawlei cung nu lakah nusal an ti mi le a lar ngai mi top 5 ah a tel bak ve mi a si. Politician a si i, nu nih mah bantuk House ah speaker dirhmun ah a thut khawh mi hi mi sawhsawh a si lo ti cu fiang tein alang ko. Republican party caah khuachia a si lio ah Democrat party caah nusal tak tak a si than ve.
Politic cu hmaihnih a ngei mi a si cang caah vawleicung nih a kalpi mi thil a si ve ko. Trump hi Republican pawl caah
pasal a si lio ah Democrat pawl caah cun khuachia a si ve ko. Mah bantuk hi politic a si caah politic ah cun faktuk
in thil kalpi le ruat lo hi a tha bik ko an ti tawn mi zong hi a si, House Democrats pawl nih Speaker Nancy Pelosi D-Calif aiawh tu ding mi midang an kawl cuamah lio hna. Nancy Pelosi hi Midterm Election, November hnuah a ngol cang lai tiah zum a si tiin The Washington Post nih a langter. House Democrat pawl nih atu
Nancy Pelosi aiawh in an duh ngai mi cu Rep. Hakeem Jeffries D-NY hi a si i, mah nih Nancy pelosi bantuk in
Democrat pawl a hruai khawh lai maw ti hi an lungreithei ngai mi cu a si. Democrat zongah hi buu hnih in an um than ve i,
Far left le Moderate in an um than tikah atu hi hruaitu pawl zong an lungreithei ve ngai tiah news report nih a langter. Atu hi Far left le Moderate pawl karlakah heh tiah i thei thiam lonak fakpi a chuak i, Far left pawl nih Joe Biden agenda Build Back Better cu Senate ah cohlan a si khawhnak ding caah heh tiah an dirkam lio ah
Moderate lei nih mah bantuk Agenda hi cohlan a har tuk mi a si, US ram chungah thil man fakpi a kai i, supply Chain
ah buainak fakpi kan ngei lio ah mah bantuk Bills hi ka vote lai lo tiah Moderate Senator Manchin nih Foxnews ah a chim cang i, Atu hi an mah Democrat chungah mah bills kongah an buai ngai caah zeitin Joe Biden aganda Build Back Batter
nih teinak a hmuh khawh lai maw lai lo ti hi atu Democrat pawl chungah Far Left pawl an lungreithei biknak cu a si
Progressive Caucus Chair Rep. Pramila Jayapal, D-Wash nih a chim ning ahcun, atu cu Democrat pawl chungah lungkhat tein rian kan tuan ti khawhnak ding caah lam kan kawl a her cang tiin an mah Democrat pawl chungah an nih rem lo ning kongah a vun langter ve cang. Cred-Newsmax