Joe Biden caah thawngpang tha thei dingmi a um lo, Tu lio US ram chungah thil man a fak ning le US mipi an lungfak ning heh tiah Social Media ah an zai cang. Joe Biden president a vun tuan bak in US ramchungah thawngpang tha thei dingmi a um lo. US, Democrats hruaitu tampi, members of Congress le mipi nih US president Joe Biden cu kum 2024 ah US president caah i cuh ti hla seh, tu lio bantuk in US
ram a tla cuamah liomi hi Joe Biden nih tuanvo a la kho ti lai lo tiah an chim.
“Jasmine Crockett, Democrat Texas representative nih Democrat pawl hna hi zeidah mah
bantuk in kan si, Hmai kum ah congress hruaitu ding inn a ho dah kan zum hna lai tiah times sin ah a chim. Kan ram hi a dihlak in a rawk cang, thathonak ding zeihman ka ngei ti lo tiin a chim. Democrats hna hi Joe Biden cungah kan lung a dongtuk cang, Midterm hlan ah Biden nih a duhmi zeihman a tuah kho lo. Mah bantuk kan si ahcun Republican pawl nih Congress ah teinak an hmuh than te lai tiah New York Times nih
Democrat minung 50 sin ah interview an tuahnak ah Joe Biden an zum ti lo ning heh tiah a chim. Cred-NewsMax
Kawlram thawngpang… Kawlram thawngpang…Hakha Ah Mai Van Lawm Par SAC Ralkap
Nih An Tlaih. Chin ramkulh, Hakha ah nihin June 11 zing sml 11:00 hrawng ah Hakha in Gawgaw lei kalnak chek gate ah Hakha Mann motor cu SAC ralkap nih an chek. Thantlang peng Dawn khuami Van Lawm Par a phone ah uniform he aa thlakmi hmanthlak an hmuh caah, CDF he pehtlaihnak na ngei an ti i an tlaih, tiah ralkap kuttang thawng ṭialtu
FiftyTwo News nih a langhter. Hi kong hi The Chin Post nih hlathlainak kan tuah tikah
Van Lawm Par cu Thantlang peng Dawn khuami a si ko, tiah kan fehter.
==Tuluk He Chawlehthalnak US Dollar 1 Billion Bakin A Tla. Nawlngeihnak lak hnu ah SAC nih a hmasabik ah budget a tuahmi cu US dollar 1 billion bak in a tla/a sung tiah ISP-Myanmar nih a langhter. Tuluk he chawlehthalnak (Trade) tuahmi cu US dollar 4.2 billions nak tam a si i, nikum thil sining he cuaithlai/tahchunh ahcun US dollar 1.3 billions bakin a tum, a tla.
Mini budget chungah Asia ramchung hna he chawlehthalnak ah US dollar 6.8 billions leng a phan.
Thailand he chawlehthalnak tuahmi lawngah US dollar 3 billions dengmang a um i, chawlehthalnak ah
hmanmi budget ahcun a tambik zong a si. Nikum he thil sining cuaithlai/ tahchunh ahcun US dollar 520 millions a kai tiah ISP- Myanmar nih a langhter. QUAD he chawlehthalnak ah US dollar 2 billions nak tam hman a si i, EU he chawlehthalnak ah US dollar 1.7 billions leng hman a si. Mini budget caan chungah ramdang ah kuatmi asiloah zuarmi thilri ah US dollar 8.3 billions dengmang a um pinah ramdang in
Kawlram chungah luhtermi ah US dollar 8 billions tluk a phan tiah theih a si. A liamcia kum he tahchunh ahcun
chawlehthalnak (Trade) hi US dollar 160 millions lengin a tum, a tla tiin ISP- Myanmar nih a langhter.
==Wetlet Peng, Kahdohnk Ah SAC Ralkap Bawi Tel In 20 Leng An Thi. Sagaing ramtthen, ShweBo pengkomh, Wetlet peng ah SAC ralkap le mizapi vengtu ralkap phu karlak kahdohnak a chuak i SAC ralkap bawi tel in 20 leng an thi tiah mizapi vengtu ralkap Chindwin Attack Force nih cathanh an chuah. June 1 le June 2 hna ah Sagaing ramthen, WetLet peng , KyaukTine khua ah inn 100 hrawng, MinThey
Khua ah inn 127 meiduah in a hrawktu SAC ralkap hna le mizapi vengtu ralkap karlak ah kahdohnak a chuak.
Hriamngan kahnak ruang ah SAC ralkap bawi pakhat tel in 20 leng an thi tiah Monywa pengkomh mizapi vengtu ralkap hna nih cathanh chung ah an langhter. Cu kahdohnak cu Monywa pengkomh mizapi vengtu ralkap Chindwin Attck Force Battalion 3 tatkhuai Galon Nat PDF le Lay Pui Mon Tine PDF , Ma Huu Yar Wild Horse PDF, Taman Kyua PDF, True Arrow LPDF, Mahar Myik ralkap phu hna i bawm in an kah hna. SAC ralkap nih KyaukTine mizapi 4 zong an kahthah hna tiah khuami hna nih an chim. Cre-TCP