Democrat le Republican pawl nih heh tiah an rak buaipi tawn mi, nauhrawh kongah US supreme Court nih biakhianak a tuah cang. Democrat pawl an lungfak ngai, Democrat pawl an sungh, natein an duh ah cun mah nauhrawh kongah US supreme Court ah taza cuai than khawh a si, natein a tu dirhmun zoh ahcun
Democrat pawl caah lam a um lo, a ruang cu US supreme Court ah hin Conservative lei minung 6 an si i, liberal lei minung 3 an si
Texas nih heartbeat bill an rak passed, natein mah kongah US supreme Court ah taza cuai an si, US supreme Court nih
mah kong hi a ceih hnuah biakhianak a tuah cang. US supreme Court biahchanak a tuah ning ahcun, nu nih nau zarh 6 a pawi hnuah nau a hrawh khawh ti lai lo tiin biakhianak an tuah. Texas Abortion bill cu a cohlan tinak a si cang i, natein mah Texas Abortion bill kongah tazacuai a duh than mi an um ahcun chuahpi khawh a si peng tiin biakhianak an tuah
Mah bantuk in US supreme Court nih biakhianak a tuah hnuah US vice President Kamala Harris a vun holh cawlh i
America nih kum 50 leng kan rak kalpi cang mi mah bantuk in US supreme Court nih biakhianak a tuah mi hi cohlan a har ngai tiin a chim.
A chim chap ning ahcun, Justice Department nih Texas Heartbeat Bill hi taza kan cuai than lai tiin a chim. Department of Justice nih Texas Bills 8 nak hi kan doh peng lai, American Consitutional Right zei rel piak lo ruangah a si, DOJ chuan Women Rights le Constitution kilveng ding in heh tiah kan doh lai tiin a chim. A buai chin lengmang lai ti a fiang ko
America ah political Parties pahnih, Republican le Democrat hna hi policie a khat lo tuk mi a ngei mi an si caah party pakhat thil tuah mi hi party pakhat nih a dohpeng. Cred-RTK
Thawngpang dang…Tha Wai thonghung ummi Nan Cin nu pakhat a ngandamnak lei ah thinphang asi, Tha Wai thongchung ah an thlak mi
ralhrang dohkaljnak lei ah a tel mi nu pakhat Ma Suh Hlan Nuai cu a ngandamnak lei ah thinphang a si nak kong (DPPN) nih an thanh. Tha Wai Myo ah ralhrang dohkalhnak ah a tel mi Ma Suh Hlan Nuai cu a luancia mi May.29 ah a dang mino 8 he an tlaih hna, Ma Suh Hlan Nuai tel in Kyo U cu 505(a), 505(ဂ), ralhrang tian pohmah 52 (a) pawl in taza cuainak an tuah i thongchung biaceihnak ah an chek lio a si.
Kum (26) hrawng simi Ma Suh Hlan Nuai cu lung, pawpi lei he pehtlai in zawtnak a ngei mi a si,hi zawtnak pawl ruang ah thongchung ah atu le tu a dam lo nak kong an chim.
A luancia mi October ah a zawtnak a zual i an inn lei in an kuat mi sii pawl ruang ah a ning than nain Dec.9 ah a zawtnak hi a zual than tiah an chim. Thaw chuah a harh, a thi a tum tuk ruang ah rian rang in oxygen an pek i Tha Wai sizung ah Emergency in an thlopbul, Ma Suh Hlan Nuai i a zawtnak si ning cu sizung ah a chiah in a hlei in thlop bul hau mi a si ko nain nikhat ah Tha Wai thong ah an kir pi than, Ma Suh Hlan Nuai i a ngandamnak lei a zual chin sual lai ti hi kan thin a phang tiah DPPN nih cathanh an chuah. The Fedaral Times