Democrat pawl an sungh, ‘Judiciary Committee hearing ‘ngei an duh cang

Nau hrawh kong ah an rak buaining, a hrawm thawk ning kong ka tial lai lo, mi tampi nih kan thei cang lai. Chinpage hi US thawngpang tialnak a si caah, US thawngpang thar na thei duh ahcun Chinpage like le follow vun tuah lo, US thawngpang cu laiholh in na rel khawh peng lai. A thei lo mi nan um sual ah cun comment ah ka hal ula ahnuah ka vun tial than lai. Tu lio US ram chungah thawngpang a linsa ngai mi pakhat cu

Texas nih nau hrawh a duh lo caah Abortion an ser mah cu, US Supreme Court nih aa cohlan i biakhianak a tuah mi kong hi a si

US hi Khrifa ram ti a si, natein nauhraw a duh mi Democrat le a duh lo mi Republican pawl an um. Mah kong hi US politic i dohnak ah a lian ngan ngai mi

topic pakhat a si tawn.  Cucaah nihin tiang mah nauhrawh kongah thawngpang hi a linsa ngai mi a si peng. Texas State chungah Nauhrawh lo ding in Republican Texas Governor Abbott nih min thutnak a tuah cang. Mah kongah Democrat le Republican pawl cu US supreme court tiang an phan. Mah Texas Abortion law hi Governor nih min thutnak a tuah cang i, US Supreme Court zong nih hmang ding in a

cohlan piak ve cang. Republican caah thawngtha, teinak pakhat a si i Democrat pawl caah thawngchia tak tak si

Natein President Joe Biden administration pawl nih mah Texas Abortion law hi kham/Block ding in heh tiah rian an tuan ve.

President Biden hi Catholic a si. Natein Pro Life a si lo. Mah kongah tampi tial ding mi a um. Catholic father le rian tuantu pawl nih cu Bawipa zanriah hman eiter ti lo ding in ti tian an rak chim cang kha. President Joe Biden nih Texas Abortion Law cu/ Nau hrawh lo ding tiah biakhianak an tuah mi cu “thil fih nung tuk mi a si.

Mah bantuk in Texas nih phunglam an ser mi hi cohlan kho ding mi a si lo tiin a chim. Mah bantuk in Texas nih Nauhrawh lo ding in phunglam an ser mi le

Supreme Court nih a cohlan cang mi hi Justice Department pawl nih Texas law hrawh ding in lam an kawl than lai tiin a chim chap

Biden administration nih Justice Department le agencies dang he Texas Abortion Law hi hmang khawh lo tuah ding in lam an kawl cuamah lio a si. Senate Democrats pawl an thinhung tak tak cang i,  ‘Judiciary Committee hearing ‘ngei ding in lam an kawl cuamah lio a si. Cred-RTK

Kawlram thawngpang…NUG le PDF hna nih a ruang umlo in an thah hna ruangah sualnak a ngei lo mi party minung 250 leng an thi cang.

Khuachungah lainawn, bomb puah ralhrang cawlcanghnak a tuah cuahmah mi NLD extreme pawl cu USDP nih sual kan phawt tiah cathanh an chuah.

Hi cathanh hi USDP party social media cahmai ah September 3 ni ah an chuah mi a si i, NLD nih nuai 10 leng mee an fir ruangah nawlngeihnak an sungh hnuah phungning tein rian a tuan lio mi cozah cu NLD party a tanhtu hna nih a phunphun in an doh. Hi dohnak hi NLD in CRPH, NUG in PDF tiin bu phunphun an ser i lamzawhnak phunphun le buainak phunphun an tuah.

Cozah riantuan cheukhat hna cu CDM tuah dingin an forh hna hlei ah cheukhat cu hramhram in CDM an tuah ter hna.

NLD a tanhlo mi le cozah riantuan hna cu an thi, an thah hna, bomb in an puah hna. Mipi inn, biaknak hmun hna zong a ruang umlo in nifatin an tuk, an hrawh.Hitin an cawlcang ruangah USDP chungkhar hna, a tanhtu le a pehtlaihmi minung 253 thah an si cang. Cu hleiah covid-19 zohkhenhnak hmun le riantuan hna zong an hrawh, bomb in an puah. Mah hi ralhrang cawlcanghnak a si caah USDP le mipi nih an duh lo.

Cu ruangah CRPH, NUG le PDF duhlo nak campaign cu US hrambunh mi change.org ah kan tuah i, min a thu mi 46270 an phan le cangka in hrawh piak an si.

Cu hnuah a thar in campaign hi kalpi than a si i, September 2 tiangah CRPH, NUG le PDF a duh lo mi minung 2400327 nih min an thut cang.Hi vialte hi ramchung ramleng riantuannak vialte ah kan kuat lai i, ralhrang cawlcanghnak a dongh khawhnak dingah a si khawh chungin kan i zuam lai tiah cathanh an chuah. Ref;USDPinfo (Cre-TCP)