White House spokeswoman Karine Jean-Pierre nih kum 2024 US Presidential elections ah President Joe Biden cu a cuh than lai tiah fiang cik cek in a chim cang, Biden a kum a tam cang caah le a ngandamnak a tha pa ti lo caah kum 2024 ah US president caah a cuh ti lai lo tiah mi tampi nih an zum hlei ah Democrat chungin president i cuh ti hla seh ti a duhmi an tam tuk cang
Natein fiang cik cek in White House nih a vun chim cang i, Democrat pawl tampi duh ning cu
a si kho ti lai lo ti a fiang cang. Tu lio hi US ram chungah thil man, a hlei in Gas le Oil lei ah
a man a fak tuk caah President Joe Biden zong Saudi Arabia, Israel & Palestinian tlawn a tim tiah white house nih a chim. Experts pawl nih an zum ning an chim ning ahcun, kum 2022 Midterms elections ah hin, Biden administration cu foreign policy, inflation, ramchung politics ah an cawlhcang ning a chia tuk caah Midterm ah teinak anhmuh lai lo tiah an zum hna. Repulican lei in kum 2024 ah president i cuh
than dingin an zum mi Former President Donald Trump nih, re election ah a cuh than lai maw lai lo ti
zeihman fiang tein a chim rih lo. Natein States – Senate & Lawmakers hna nih elections dingmi ah heh
tiah a bawmh cuamah lio hna. Atu sining zoh ahcun Donald Trump Republicans party in a tei khotu ah mi tampi nih an chimmi cu Ron De Santis hi a si, Anih hi GOP nih an duh ngaimi a si ve, a kum zong a upat tuk lo, Trump hi Capitol hill riots ruangah Republicans chungah Trump dohtu tampi an rak um ve. Zeidah a law lai ti cu Midterm Election hnuah Trump nih a dirhmun a chim tikah thil sining cu fiangtein thei a si te lai. Cre-RTK
Kawlram thawngpang….Chawng U-Myinmu Lampi Bomb Puahnak Ah SAC Ralkap 10 An Thi!:
Nihin chunhnu suimilam 12:00 hrawng ah Mandalay in a chuakmi SAC ralkap motor 5 cu Chawng U-Myinmu
motor lampi hmunkhat ah bomb thianhhlimhnak le zohfelnak an tuah lio ah tualchung hriamtlai phufonh nih puahhnawh in an doh hna. Cu bomb puahnak ah cun SAC ralkap 10 hrawng an thi i, hliamhma tuar zong an tam. SAC ralkap a thimi ruak le hliam pu mi hna cu motor pakhat nih a thiar hna, tiah theih a si. SAC ralkap Bomb puahhnawhtu hna cu Sagaing pengkomh battalion 4 MSPDF, Bu Nay Toe pah-kah-phah phu,
Natogyi Regional Defence Force le Burmese Guerrilla Force phufonh hna an si tiah theih a si.
==PunnaKyun Ah SAC Ralkap Pakhat AA Nih An Tlaih!: Rakhine ramkulh PunnaKyun khuachung
ah SAC ralkap chungtel pakhat cu nihin June 16, zaanlei suimilam 3:00 hrawng ah AA nih an tlaih, tiah tualchung mi nih an chim. Tlaih a tongmi SAC ralkap cu PunnaKyun khuachung um khah-mah-yiah 550 chungtel a si i, khuachung in battalion lei a kal lio, AungMinGala tikhor pawng ah tlaih a si, tiah an chim. “Tlaih a tongmi SAC ralkap cu 2 an si i, pakhat cu a zaam manh. Tlaih a tongmi SAC ralkap pa cu, khuachung mi choklet hna cycle toolbox cu honter in chekhlatnak a tuah tawntu a si i, civil mi hna sin ah
a nawlngeihnak a langhter tuk tawn mi a si, a min le a reng belte cu kan hngal lo,” tiah an chim.
A luancia June 11 ah khan KyaukṬaw khuachung dawr ah SAC ralkap 2 cu AA nih an rak tlaih bal cang hna. Atu bantuk in SAC ralkap kan tlaih hnanak a ruang cu SAC ralkap nih ULA/AA ralkap hna cu an umnak inn ah luhhnawh in an tlaih tawn hna caah kanmah lei zong nih kan tlaih ve hna hi a si tiah AA in chim phuannak nawlngeitu Khine Tu Kha nih June 14 ah a chim. Cre-TCP