A holh a tam lo ngai mi, Daitein um i rian a tuan peng mi, former US first Lady Melanie cu Democrats lei pawl nih heh tiah an soisel, thangchiat, mawhchiat i, Atu hi dothlanak an tuah cuamah lio a si. Trump nupi Melanie cu Kids Charity a um lo mi hmangin fund raising a tuah tiin sual ah an puh. Mah kongah Melanie Trump nih a chim mi cu, “Ka rian tuan ning le mi caah heh tiah ka zuam ning le ka thil tuah mi
tak tak thei tung lo in heh tiah a ka sawisel tu hna hi mi thathmang mi pawl/Killers cu an si, Keimah
Melanie Trump hi an ka doh i, cancel bantuk in an ruat lio ah, ngakchia, nule pa a ngei ti lo mi hmai lei
thil an tawn ding mi vialte an hlonh/hlawt, donghter piak hna tiin a chim. Demo media, The New York Times nih a tial ning ahcun, former US first lady Melanie Trump nih April ‘Tulips and Topiaries High Tea’ event, Naples, Florida a tuahnak ah tampi a zuar tiin a tial. Mah kah in tangka a hmuh mi vialte hi ‘Fostering the Future’, Florida register ah a lut lai, Nu le pa a ngei lo mi caah a si hlei lo mi, Hmailei caah tangka atu kawl hi zeidah a thathnemnak um tiin an tial mi cu former US first lady Melanie
nih a let hna i, ‘Fostering the Future’ ti hi atu ngakchia nu le pa a ngei mi cu an si ko, ngakchia hna
hmailei an dirhmun a fiang lo mi caah fund rising ka rak tuah piak mi hna a si tiin a let hna. Cre-RTK
Biden nih a chim mi cu tih nung ngai….Thawngpang tih nung chin lengmang, Thawngpang a daih cang lai tiah ruat lio ah thawngpang tih nung tuk mi kan thei thang hoi caah US le Russia cu an i tuk cang ko lai tiah zum a si. Russia nih Ukraine invasion kan ngei lai lo tiah an cim peng, Natein US le West nih cun Russia nih Ukraine hi a tuk hrim ko lai tiah an zum.
President Biden nih a chim ning ahcun, Atu thil sining zoh ahcun President Putin nih Ukraine tuk a tim
tak tak ko cang. Putin nih Ukraine tuk ding in decision a tuah cang. Putin nih Ukraine a tuk hrim lai tiah
ka chimnak ruang cu, tehteh tha tuk mi kan ngei tiin a chim. Tu zarh ah Russia nih Belarus le Crimea in ralkap trianing a dih mi hna cu Russia ram ah tampi an kir ter hna tiin an chim. Natein US le West pawl nih Russia lemcangnak asi tiin an zum lo ning an chim. President Biden nih a chim than ning ahcun “Russia President Putin nih UKRAINE khualipi Kyiv 2.8 million mipi sualnak a ngei lo mi hna a phomh hrim lai tiah kan zum,
Atu hi US nih cun Diplomacy innka kaupi kan onh ko. President Putin nih vawleicung nih a mawhchiat i
a soiselnak lo nak ding caah ralkap hna hi Russia ram ah kirter bantuk in a chim mi a si,
Natein Russia ralkap 150,000 leng nih Ukraine tuk ding in ramri ah ready in an um peng. Ukraine’s defence forces nih a chim ning ahcun pro-Russian rebels pawl nih cease fire kan tuah mi cu suimilam 24 chung in voih 58 leng an buar cang tiin a chim. Organisation for Security and Co-operation in thil sining a ngiat tu pawl nih Ukraine ramri ah “zeimawh thil a thleng kho mi, mipi lungthin a la ngai mi a um tiin an chim/kinetic activity along the contact line in eastern Ukraine” ah a awm an ti. Cre-RTk
Kawlram thawngpang tih nung tuk mi…Kalaymyo Ah Aho Hngalhlo Miruak Aa Ṭhenthek Dih Mi Hmuh
A Si. Kalaymyo, Taungta sang, Golf course lampi ah miruak pakhat- a lu, a takpum le a ke zong aa
ṭhenthek dih mi cu nihin february 20, zinglei ah hmuh a si. Mithi ruak hi Kalaymyo, Taungta sangchung mi, amin- Ting Zaw timi pa a si i, SAC ralhrang lei mining a si, tiah a ruak hmutu nih cun an chim. Miruak hi a langh ning ahcun thah mi tengteng a si a fiang ko nain aho nih dah a/an thah thawng fiang theih khawh a si rih lo. Miruak fimtawl ding in hin
SAC ralkap lei maw PDF lei zong an ra rih lo, tiah hi thawng kan hlat tiang ah cun theih a si.
“Atulio cu Myanmar ram chung ah phungphai(law) kalpi khawh a si lo caah hi bantuk mi tampi cu ui le ar thih an nunnak an liam cuahmah. Taungta sang i mithi ruak an hmuh mi hi SAC ralhrang lei mi a si nain PDF minchiatter duh ah anmah SAC ralhrang lei nih an tuah hramhram mi a si kho. SAC ralhrang nih mi chokvai an hmuh mi hna cu midang theih lo in an tlaih hna i, an thah hna tikah PDF thah mi bantuk in an langhter tawn,” tiah min langhter lo siangcachim pakhat nih cun a chim.Cre-TCP