Democrats lei in President a cu mi Joe Biden cu ralrin nak pek a si; Ngai nuam chin lengmang cang ko

Joe Biden nih Polls ah Trump a tei caah i lawm tuk hla, na caah tih nung tiin President a rak cu cang mi nih a chim

Presidential race cu ngai a nuam chin lengmang cang ko. Coronavirus ruangah Trump dirhmun a chia tuk lio a si. Joe Biden cu President caah an duh tuk mi a si fawn lo. USA mipi zong an buai ngai.

Trump nih foreign policy le economic ah Joe Biden nih a tei lai lo ti cu a fiang ngai mi pakhat a si fawn. Biden hi ralzam le liberal pawl caah an duh ngai mi si ve fawn tikah tu kum President i thimnak cu ngai a nuam ngai mi a si

Polls dang dang zoh ah cun Joe Biden nih Trump cu a tei ngai, natein kum 2016 lio zongah Hillary nih Trump cu a tei ngai ti mikip nih an thei mi a si. Natein President caah Trump thim a si. Mah bantuk in thil a si caah polls hi cu zum ding a si lo an ti cio

US President caah Democrats lei nih Presidential candidate caah an rak ngei mi, Micheal Dukakis nih Democrats Candidate Joe Bide cu American Poll ah mark a hmuh that ruangah hna ngam tein um lo ding in a ti.

Dukakis hi kum 1988 Presidential Election ah George HB Bush he President si ding in fakpi in a zuam ve mi a si. Natein Bush cu atei khawh lo. Joe Biden zong ralring tein um ding in le Polls ruangah hnangam tein um lo ding in a ti.

A chim ning ah cun “Keimah zong kum 1988 ah khan Bush cu Polls ah ka tei ngai, Natein President Cu Bush thim a si ko. American Politics hi a cunglei ah kan hmuh ning le zoh ning bantuk a rak si lo.

A chunglei ah thil zeidah a cang ti mi hi kan thei khawh lo mi a si. Cucaah ralrin tein um ding a si. Polls ruangah hna ngam tein na um ah cun ka pal cik cek lai. Polls ruangah i phorhlaw hla, tiin Joe Biden cu ralrinnak bia a chim. Credit- ABC NEWS

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor