Trump caah thawngtha bak a si, a rak chim tawn bantuk in a hlei in liberal media pawl hna cu lih news tiin a rak ti tawn hna, A hlei in CNN hi a si. CNN hi Trump a doh peng mi le ahuat tak tak mi an si. CNN ahcun Trump soiselnak le thangchiatnak lawngte an langter tawn, Trump nih US media pawl hna cu thil a dik mi le a hman mi langter tawn ding in a rak ti tawn hna.
CNN nih Trump an huat ning cu Chinpage ah ka rak tial cang kha. Ni fatin CNN office ah Trump sual kawlnak caah le
Trump a pal mi hmuh khawhnak ding caah le zeitin dah Trump hi kan doh lai ti kongah briefing an rak tuah tawn kha.
Mah kong fiangtein ka rak tial cang kha. Atu cu former President Trump nih thawngthar a vun ngeih than i, CNN nih an nih uapi ngai mi le heh tiah Trump a huat tu nih an rak dirpi ngai mi Anchor Chris Cuomo cu CNN nih a rian in an phuah cang, Trump nih a chim ning ahcun, Television (TV) zoh tawntu pawl caah thawngtha tuk mi a si,
Chris Cuomo cu a rian in an phuah cang tiin statement ah a chuah, Zeiruangah dah a rian in an phuah ti mi kongah bia halnak tampi a um i,
mah bantuk in Chris Cuomo a rian in phuah a sinak cu CNN cu mipi a zoh tu an tlawmtuk caah maw si, (Aruang cu thil dik le a hman mi an thangh bal lo caah CNN le MSDNC hi aa zoh mi an tlawm tuk caah)
a naupa Governor in an phuah mi kongah a u naupa lei a dirpi caah a si ti hi mipi lungthin ah bia halnak a um mi cu a si, Atu bantuk in Guomo a rian in an phuahnak ruang cu lih lawngte a chim ruangah CNN a zohtu an um ti lo i,
cun palik nih a hlethlai lio mi a unaupa heh tiah CNN hmangin a dirpi caah asi ” tiin Chris Cuomo a rian in an phuah mi kongah a nuam ning a chim.
Chris Cuomo unaupa Andrew Cuomo hi New York Governor a si, nu tlaihrem kongah a min chiat tuk caah le Covid ruangah
Nursing home ah upat a si cang mi tampi an thi ruangah mi tampi nih a rian in i phuah ding in heh tiah an ti caah a ningzak tuk caah a rian in a phuah. Mah kongah Cris Cuomo nih CNN hmangin a u lei kap heh tiah adir pi i CNN hi a u dirpi nak ding caah a hmang.
A unaupa Andrew Cuomo hi Governor a rak tuan lio ah khan Trump a doh peng mi le Trump nih a chim mi opposite lawngtein thil a raktuah mi a rak si,
cun New York ah Covid in a thih mi kongah thil dik lo a um tiah an zum lo caah a rian tuannak ah zum lonak tampi a um hlei ah nu tlaihrem lei ah a min chiat ngai mi a si. A unaupa hi the New York Attorney General’s investigation/hlethlainak an tuah lio mi a si i mah kongah a u cu heh tiah CNN hmangin a dirpi tawn caah atu cu a rian in ngolter a si cang. Cred-Foxnews