Dr. Ngun Cung Lian: Daw Aung San Suu Kyi cu ruahnak ka pek mi a duh lo cu teh. Zeitindah ram cu a hruai khawh lai. Kawlram ah ralkap nih uknak an lak lai te ah khan Dr. Ngun Cung Lian cu Interview an tuah i a biapi in Daw Aung San Suu Kyi kong an hal. Daw Aung San Suu Kyi hi kan ram hruaitu ding ah ai tlak ko maw? A mah hi um hlah sehlaw NLD hi a um hnga maw? Suu Kyi hi a tar tuk cang caah hei thi
sehlaw NLD hi zeidah an lawh lai tiah an hal i a tang lei bang in a leh hna. Daw Aung San Suu Kyi hi
ruahnak kan pekmi a duh lo. Keimah he zong voi tamtuk kan i tong cang. Ka chimh mi a ngai duh loh.
Zei ah a rel lo. Ruahnak ka cheuh mi a la duh lo. Mah tihin a si lai hi awh, cucu tuah ding a si lai. Mahhi cu tuah ding a si lai lo tiah ruahnak ka cheuh mi kha a duh loh. Ruahnak zong cheuh khawh a si lo. A mah thluak le ruah ning lawng in a kal. NLD zong hi a mah ruahnak le thluak lawng tein an kal dih. NLD upa pawl nih Pi Suh an ti ahcun zei hmanh an thei lo. Panglong conferane lio ah khan voikhat cu an buai.
Thil an tuah khawh ti lo. An vansang tuk cang i ti awk an theih ti lo caah ruahnak kan va cheuh hna.
Mah ti hin a si lai tiah ca in ka tial piak hna i an mah zong an i lawm ngai. Suu Kyi cu thil a theimi,
fim thiamnak a ngeimi hi a kan thawl a kan rem lo. Uknak an lak bak in a kan thawl i an mah nih an van tlaih cu kum 5 chung ah zei hmanh an chuah pi kho lo. Kum 5 chung ah 2008 phunghram pi kan remh lai an ti i pakhat zong an remh kho lo. Thein Sein chan lio ah 4 hrawng an remh khawh. NLD nih thimnak an i cuh lai ah mipi hi thil phun 200 leng an kan kamh. Pakhat tal an tuah kho maw?
NLD MP pawl hrimhrim cu tinh mi zong ngei lo, MP tuan i meeting kai, Motor in vah,
pawngkam ah palik nih congh le tender tlaih. Mah lawng pei an thiam ko cu.
Zeitindah ram cu an hruai khawh lai. Suu Kyi cu a tar tuk cang i a lung a lo cang. Nizan a chim kha nihin ah a philh. Nizan le nihin hi a bia ai dang tawn. Cucu hruaitu pakhat caah tih a nung taktak mi a si. A rian a tamtuk fawn. Ramleng vuanci a tlaih pah, President office a tlaih pah. Ramleng vuanci nih khual zong a tlawng huaha lo. Hawi ramdang ramleng vuanci cu ram dang kip ah an tlawng.
A nih cu a tlawng kho lo cu teh. Cu pinah rian hlei ai chap tuk. A tuan kho fawn taktak lo.
Cu ruang ah kan ram hi a kan hruai khawh lonak a si. Thein Sein chan lio ah tlang
cung hriamtlai tampi he remhnak kan ser khawh. Ramdang he pehtlaihnak lei zong in a tha deuh fawn. Suu Kyi cu Kawlram hruaitu ding ahcun a si kho ti lo. A cung lei bia pawl hi ralkap nih uknak an lak lai te ah Dr. Ngun Cung Lian nih interview ah a chimmi a si. A mah tu cu Min Aung Hlaing sinah ruahnak pe tu rian a tuan cang. Cr-TCS
Kawlram thawngpang….Monywa Ah PDF He Pehtlaihnak An Ngei Tiah Lunghrinh
Mi Mino 6 Tlaih An Si!: Sangaing ramṭhen, Monywa Donachan sang, Bokyauk lam,
Kanthaya pawng Green Talahwady hotel ah mino 3 cu palik nih June 23 zing Sml 4 hrawng ah an tlaih hna, tiah cycle khaltu pakhat nih a chim. “Ralkap mawṭaw le palek mawṭaw nih hotel cu an kulh i minung 3 an tlaih hna” tiah cycle khaltu pakhat nih a chim. Cu kong he pehtlai in Monywa pengkomh palik in rianngeitu pakhat nih, “Green Talahwady hotel ah PDF he pehtlaihnak a ngei mi mino 3; Taunggyi Medical University Burmese Department in CDMer
Ko Aung Zin Myint, Monywa Aye Chain Thar sang ummi Ko Ye Htet Aung le Kaung Myait cu tlaih an si.
Cu hnu ah dothlatnak kan ngei i, PDF chungtel an si tiah theih a si. phungning tein biaceihpiak ding in timhtuahnak ngeih a si,” tiah a chim. A luancia ni zeimawzat zong ah khan Monywa ah PDF he pehtlaihnak a ngei tiah lunghrinh mi sihni(lawyer) 5 tlaih an si cang. Monywa khuachung ah PDF pawl cawlcanghnak hotel pawl a um pah lengmang caah hrenhpiak a tong mi hotel 5 a um cang, tiah theih a si. Cre-TCP