Biden zeihman a si lo ee!! A ka lawngin bia a chim thiam mi, rian tuan lei ah zeihman a thiam lo nin g a langter chin lengmang cang ko ee!! Presidency kum 2 nak a tuan cang i, mid term elections a nai tuk cang i Democrat pawl an lungreithei cik cek cang ko, American economy a zohkhen ning kongah thawngpang tha thei dingmi a um lo i, a rian tuan ning a chia chin lengmang i, America Economy cu a tlah chin lengmang cang ko,
CNBC’s July All America Economic Survey nih a langter ning ahcu, Trump president a
rak tuan lio ah Economy lei ah a chia bik caan hman khi Joe Biden nih a tluk lo tiah a langter
Biden economy approval hi 30% lawng a si, Trump’s lowest ever economic approval rating 41 per cent a si. Barack Obama 2008 financial crisis lio ah khan 37% a rak si. American pawl 51% nih Joe Biden cu inflation he pehtlaih in zeihman rian atuan thiam lomi ah an ruat, Joe Biden cu American 30% nih US economy a hrawh chin lengmang tu ah an puh i, 12% lawng nih Joe Biden nih inflation a tawrel ning cu a tha an ti. Cre-RTK
Kawlram thawngpang…SAC Ralkap Nih Ṭaal Khua Cu Voithum Tiang An Duah Caah Inn 7 Lawng A Taang Cang!
Chin ramkulh, Falam peng um mi Ṭaal khua cu SAC ralkap nih voi 3 tiang an duah caah inn 7 lawng a
taang cang, tiah theih a si.Cu a tangmi inn 7 ah cun khuami hna inn 4, Biakinn 1, Sianginn 1 le Cazi inn 1 an si. Falam in Hakha lei kalnak lamkam ah a ummi Ṭaal khua cu SAC ralkap nih October 18, 2021 ah inn 3, October thla ṭhiam ni 25 ahkhan inn 9, July 9, 2022 ah inn 29 an khanghpiak hna. Ṭaal khuachung innlo vutcaam ah a cang mi hna cu Ṭaal khuami hna le a ka pawnghrawng um khua minung 300 hrawng nih nihin July 20 ah thianhhlimhnak an tuah, tiah theih a si.
==Chinland Joint Defense Committee(CJDC) Special Force Batch-1 Training Dihnak Puai Tuah A Si!
Chindland Joint Defense Committee (CJDC) Special Force Batch-1 training dihnak puai cu
July 19 tuah a si, tiah kan theih. Cu training cu thlakhat chung tuah a si i, minung 123 an kai. Training kai caan cu ni 15 a si i, practical tuah caan cu ni 15 a si. July thla zarhkhatnak ahkhan Falam-Hakha kar kahdohnak ah CDF-Matupi in CJDC Special Force training a kai lio mi pakhat a nunnak liam. CJDC chungtel hi phu 18 an um i Batch-2 training zong an tuah rih lai, tiah theih a si. CJDC secretary Salai Timmy nih,
“CJDC Special Force training a dih mi hna cu tat-khuai(တပ်ခွဲ)-2 ah ṭhen in a herhnak hmun ah mibawmtu
ding in kan hman hna lai. Atu training a dih kho lo mi pawl zong a Batch-2 ah an dih kho lai,” tiah a chim.
==Sagaing Ramțhen Ah SAC Ralkap Thah Mi Tualchung Mi Ruak 12 Char A Si. Sagaing ramțhen, Kanhbaloe le Khin Oo khua karlak khuate 2 ah SAC ralkap nih rallam an sial pah in inn an duah pin ah tualchung mi an thahnawn hna. Nihin, July 20 zing ah PDF nih hmunhma zohfelnak an tuah Tawaddy khuami 3 le GyiSuh khuami 9 (Azapi ruak 12) an char. ” Tawaddy khuami hna cu ralzaam pawl an va auh
hna lio ah an rak tlaih hna i faktuk in an hrem hna hnu ah an ruak cu an phum i a thaizing ah ruah fak
nawn in a sur caah an ruak alang i an hmuh hna, Gyisuh khua hi an khangh pin ah ruak hmuh khawh rih lomi zong an um tiah PDF ralkap pakhat nih a chim. GyiSuh khuami tamdeuh cu vanlawng in khua an kah lio ah ertonh in tlaihmi an si hna, thih le nun hngalhlo a tlaumi an tam caah an kawl cuahmah hna. ” Tu zong ah khua kam hna ah rallam 3 in kan i țhen i hmunhma thianhnak zong țha tein kan tuah kho rih lo ” tiah PDF pakhat nih a chim chap.Cre-TCP