European Council chief Charles Michel nih Russia cu duhthim ding in option pahnih a tuah piak i, bia halnak a tuah cang. Russia nih idoh maw a duh deuh cabuai cungah thatein bia ceih ti i daihnak serh na duh, na duh mi thatein i thim cang tiin EU lawmakers pawl hmai ah a chim. European Unionpawl daihnak le Security dirhmun cu Russia kut ah a um tiin a chim.
Boruak a tha cang ko lai riah ruat lio ah, atu hi a linsa chin lengmang ko. Russia le Ukraine buainak a
daih cang lai tiah zum a si lio ah thawngpang dang a linsa tuk mi a vun chuak than caah zeibantuk thil a
tlung lai ti cu thei kho a si ri lo. Russia nih ramri in ralkal hna kir ter an si tiah a chim mi cu US Official nih a zum lo i, Russia nih lih a chim, Russia ralkap hna cu an ram ah kirter lo in Russia ralkap 7000 leng thazaang tu an chap chin tiin US nih a chim. Russia nih Ukraine border ah drills an ngei mi a dih tikah mah border hmun hi a chuah tak lai tiin a chim,
Natein mah hi a dik mi asi ti fiangternak zeihman a um lo (no evidence) tiin US Official nih a chim. Cre-RTK
Kawlram thawngpang…Sagaing ramṭhen, Pale peng Ziphyukung khua ah a luancia February 14, zaan
suimilam 12:30 hrawng ah khuachung mizapi vengtu ralkap phu hna le ralhrang phu karlak kahdohnak a chuah hnu ah khuachung minung 4 cu meikanghnak in an nunnak a liam i khuachung inn 30 leng a kaang, tiah khua mi nih an chim. Meikanghnak in a thi mi hna cu U Phoe Ngyu(kum-41), U Hlah Shwe(kum-65), U Tan Swe(kum-66) le Daw Tin Suh (kum-55) hna an si, tiah theih a si.
Nizan February 16 i ralhrang nih cathanh an chuah ning ah cun PDF phufonh nih khuachung cu an run i,
inn zong an khangh hna, tiah PDF cu an puh hna. Kaphnih kar kahdohnak cu suimilam cheu leng an
rau i PDF phu nih kutser meithal pakhat, kutser pistol 2, 40 mm, kutser bomb lung 13 le kuan zeimawzat cu kan laak, tiah an langhter chih. Mizapi vengtu ralkap phu hna nih cun ralhrang nih pyusawthi pawl cu raltuk training an pek tawn hna caah cuka khua cu luhhnawh in kan doh, tiah cathanh an chuah. Ralhrang phu hna nih atu February thlachung ah hin Pale pengchung ah nitin ngawt in rallam an sial i kahdohnak an thok,
khuachung ah lut in inn an khangh hna caah Inmathi khua le cuka khua pawng hrawng um mi khua 4 in,
inn 1000 hrawng cu a kaang cang, tiah khua mi nih RFA ah an chim. Battawng Naga PDF Nih Bomb In Ralhrang An Doh Hna: Sagaing ramṭhen Shwebo peng Khautmyaung in Kalamah Latkauth khua lei ah ralhrang bawm ding in a kal mi hna cu nizan February 16 zanlei suimilam 4:30 ah Nattawng Naga mizapi vengtu ralkap phu le Ghost Rider special task force (Mdy) phu nih bomb lung 6 in an doh hna. Ralhrang cycle 4 cu bomb nih a puahhnawh hna i ralhrang minung 5 nak tam cu an thi lai, tiah Nattawng Naga-PDF nih cathanh an chuah.
Kalamah Latkauth khua thlanglei i khuachung mi hna Fu dum cu ralhrang nih an khanghpiak hna i, an hrawhpiak hna.
An kir lei ah ralhrang le pyusawthi phufonh minung 6 cu bomb lung 3 in mizapi vengtu ralkap nih an doh hna caah minung 4 hliamh an si, tiah theih a si. Bomb in doh an ton hnu ah ralhrang phu hna nih hriamngan le hriamhme in an kahdoh ṭhan hna nain mizapi vengtu ralkap phu hna cu i khawngdeng lo tein hnu an tolh kho. Ralhrang cycle 2 le phone 1 belte an sung, tiah Nattawng Naga PDF nih thawng an thanh. Cre-TCP