European Union pawl nih Russia an sanction nak phunglam buar lo in, Russia ram sin in gas le oil cawk khawhnak ding in phunglam an serh than hoi cang. Ni 13.5.2022 ah EU commission member pawl closed door meeting ah gas le oil Russi ram in cawknak ding caah Russia demand bantuk in Gazprom bank ah account dollar in maw euro in maw awn siannak an tuah,
Natein Russia demand tak tak bantuk in Ruble ah account awn siannak cu an tuah rih lo,
Sihmansehlaw Ruble in Bank ah tangka chianak kan tuah lai lo ti zong zeihman an chim lo,
Mah bantuk in European Union pawl nih thil an tuah cang caah European Union hruaitu tampi cu an an lung a rawk ngai tiah thei a si. European Union ram tampi nih oil man bah pek ding mi caan cu tu thla hi a dawngnak caan a si cang, Poland le Bulgaria hna cu a dawnnak rikhiami a dih cang caah Russia nih gas supply a tuah mi a dawnter cang.
Italian Prime Minister Mario Draghi nih cun hmaizarh ah meeting an rak tuah hlan ah
European gas company pawl nih rubles (Russia tangka) in Russia sin in Gas le Oil an cawk
tikah sanction hi a dawnkhan lo tiin a rak chim cang. Putin nih Gazprom bank hmangin Russia tangka (rubles) in gas man nan pek lai tiah a ti ruangah European Union pawl a buaiter ngai hna i, Aruang cu European Union tam deuh nih Russia ram in oil/gas an lak tawn caah a si, Russia nih Oil le Gas supply a tuah duh lo ahcun, an ram economy a rawk dih kho mi a si
mah bantuk in Russia nih phunglam thar a chuahpi mi ruangah an lungreithei ngai Mah bantuk in
Russia duh ning bantuk in European Union pawl nih biakhianak an tuah mi nih hin
EU member chungah lungtling lo mi an tam ngai i, Germany, Hungary, Italy le France nih mah biakhianak an tuah mi hi tha an ti lio a, Poland nih cun mah bantuk biakhianak an tuah mi hi a fiang lo tuk caah (no legal clearity) a ti i, EU ambassador pawl nih ceih than ding a duh ning heh tiah a chim. Germany nih cun an company pawl hna ruahnak a lak cang i Gazprom bank ah
multiple account ngeimi nih hin EU sanction a buar lo caah mah bantuk in biakhiank
an tuah mi hi a tha ngai ko tiin a dirkam ning an chim. Russia nih Ukraine a tuk
ruangah EU ram pawl nih heh tiah Russia cu an soisel peng i, Russia cungah sanction an tuah peng nain Russia Gas le Oil cu an cawk peng thiam. Switzerland nih sanction ruangah Russia asset 3billion man leng freeze an tuah mi cu an release than cang tiin LE News, Switzerland english news nih a phuan. Cre-RTK
Kawlram thawngpang….“Yesagyo peng chung ah SAC ralkap nih khuate 4 cu May 16 ah mei in
an khangh caah Yesagyo PDF nih kan phalh piak hna,” tiah Bo Hmaing Tey Za nih a chim.
Moengio le Moekuai khua ah zan khat a riak mi SAC ralkap pawl nih, May 16 zinglei ah mei in an khangh, tiah theih a si. “Kanmah le kan phung lam ning tein khua pakhat khat ah an rak luh ahcun a pawngkam in kan venpiak hna. SAC ralkap nih khua mi inn an khangh dih in kan va phalhpiak hna,” tiah Hmaing Tey Za nih a chim. SAC ralkap nih an khangh mi khua hna cu- Moekuai, KanOo, Taungkung le Mekung khua hna an si.
SAC ralkap thazaang 90 hrawng nih an khangh piak hna, tiah theih a si. PDF pawl zeitin hmanh an kan
tuah khawh lo caah hiti khua mi inn an khangh piak hna hi a si, tiah Hmaing Tey Za nih cun a chim chap.
==SAC Ralkap Motor Bomb Puah A Ton Caah Ralkap 2 An Thi. Magwe ramṭhen, Myaing peng ah SAC ralkap thil chantu motor pakhat cu May 15 ah bomb puahhnawh a tong, tiah theih a si. “SAC ralkap le Pyusawthi 11 hrawng aa cit mi thil chantu motor cu, Pakukko peng Kama khua in Myaing peng Hninsikan khua ah a kal ding a si tiah kan hngalh caah Myaing-PDF nih kan kah hna,” tiah Bo Letya nih a chim.
“Chun suimilam 12:10 hrawng ah bomb in kan puahhnawh hna. Motor chung ah SAC ralkap 11 hrawng
an i cit i, 2 an thi,” an tiah a chimchap. Cu kahdohnak ah Myaing peng Pyusawthi hruaitu Win Ngwe telh in 2 an thi. Kahdohnak a dih in SAC ralkap le Pyusawthi i bawm in Hninsikan khua cu mei in an khangh, tiah tualchung mi sin in theih a si. A luancia May 12 lio zong ah Myaing peng Kaitawma khua lei in rallam a sial mi SAC ralkap motor 7 cu, Myaing-PDF le ṭangrual phu hna nih bomb in an rak puahhnawh hna caah SAC ralkap 30 hrawng an rak thi. Cre-TCP