Vladimir Putin nih April ni 1 thawkin Russia Energy & Gas a cawk tawnmi ram hna cu, Russia tangka Ruobles in nan cawk cang lai tiah min thutnak a tuah. Europe ram le ramdang pawl nih Russia Gas le Oil a cawk tawn mi hna cu US dollar le Euro tangka in si ti lo in Russia tangka bak in nan ka cawk cang lai
tiah ‘Decree’ a sign (minthutnak a tuah cang). April ni 1 thawkin Gas an cawk man cu Rouble (Russi tangka)
in nan ka pek lo ahcun contract nan ngei mi vialte dih ter a si lai tiah Moscow nih thawngthanhnak a
ttuah cang, Europe ram pawl nih Russia Gas, energy etc an cawk duh peng ahcun Russia Bank ah account an on a hau (Russia bank ah Bank account an ser lai) cang tinak a si. Gazprom 58% sales hi Europe ram ah a lut, Europe pawl nih Rouble account an on duh lo ahcun Russia gas energy bye bye an ti a hau cang.
Western sanctions hi kum 2021 in a thawk cang mi a si, economic war hi thil thar a si lo- West pawl nih
Russia sanctions nak ding an kawl peng. Russia tangka in Russia Gas an cawk duh lo ahcun
Europe pawl nih liquid natural gas hi US ram in an cawk a hau lai i, Europe ah unemployment a tam chin lengmang lai 10 Downing Street- prime minister Boris Johnson’s spokesperson nih a chim ning ahcun, UK nih Russian gas payment -Roubles in pek kan nih tim lo. Putin Demands bantuk in European market
ah a tlung kho lai maw ti kan zoh lio a si tiin a chim. Germany’s economy minister, Robert Habeck nih
a chim ning ahcun, Russia Blackmail maw si hoi cang, Russia Gas payment Rouble in kan pek lai lo,
contract kan ngei mi hna thatein a kan upat ding mi hi Russia nih a tuah ding mi a si. Germany chancellor, Olaf Scholz & French economy minister Bruno Le Maire ” Contracts cu contracts, euros in payment kan pek lai “. French finance minister, Bruno le Maire, & Germany nih Russia demands
bantuk in Russia Gas Payments hi Rouble (Russia tangka) in pek an nih tim bak lo. Cre-RTK
Kawlram thawngpang….Karenni ramkulh, Demohso, Pharuso, Loikaw le Moebe ah SAC ralkap le
Karenni phufonh kahdohnak, March 24 in 31 zarhkhat chung kahdohnak ah SAC ralkap 23 hrawng an thi i, KNDF Battalion 15 in ralkap pakhat nunnak a liam, tiah KNDF nih cathanh a chuah. March 24 ah Demoso, Htoo Hlui Bila khua chung ah umhmun khuar mi SAC ralkap le Karenni ralkap phufonh hna kahdohnak a chuak i SAC ralkap nih Htoo Hlui Bila khua inn 6 cu an khangh.
Phru So Ngwe Tuang khuathar pawng ah rallam sialtu SAC ralkap cu Karenni ralkap phufonh hna
nih an kah hna i, SAC ralkap zeimawzat an thi, KNDF Battalion 15 in ralkap 1 a thi ve, tiah theih a si.
March 25 zinglei ah Loikaw peng, Lyin Phone Lay khua pawng tlang ah umhmun a khuar mi SAC ralkap hna cu KNDF nih an kah hna i, SAC ralkap nih cu sakhan cu an chuahtak. Cu tlangcung um mi sakhan cu KNDF nih an laak khawh. Zanlei Sml 4:00 hrawng ah SAC ralkap hna cu Demoso, Daw Phu Sii, 5 Mine le 6 Mine khua lei in Battaling khua tiang an kal i
Karenni mizapi vengtu ralkap phufonh hna he an i kap. SAC ralkap nih 5 Mine khua inn 5 cu an
khangh piak hna, tiah KNDF nih cathanh a chuah. March 26 le 27 ah khan Phruso um Khah-Mah-Yiah
428 battalion cu Karenni mizapi ralkap phufonh hna nih an kah hna i SAC ralkap lei a thi mi zong an um. Zan Sml 8:00 hrawng ah Moebe um Khah-Mah-Yiah 422 Tayat Chan Battalion cu KNDF nih an kah hna i SAC ralkap 5 an thi, tiah theih a si. March 27 zinglei ah Demoso Kone Thar khua ah umhmun khuar mi SAC ralkap hna cu Karenni mizapi ralkap phufonh nih an kah hna i SAC ralkap 6 cu a hmun ah an thi
colh. Phruso No. 14 raldoh cawnnak sianginn cu Karenni ralkap nih an kah ṭhan i SAC ralkap 2 an thi.
March 28 Daw Nang Kha( ဒေါငံခါး) um SAC ralkp hna cu kah an si i, kadohnak ah SAC ralkap 2 an thi, tiah KNDF nih cathanh a chuah. March 30 ah Phruso Khah-Mah-yiah 428 Battalion cu Karenni ralkap nih an kah ṭhan hna i SAC ralkp 8 an thi, tiah KNDF nih a chim. SAC ralkap cu Shan ramkulh in Kayah ramkulh ah mawṭaw 40 he thazaang an chap i, Demoso, Htoo Hlui Bila le Ngwe Tuang khuathar pawngkam ah Karenni ralkap hna he an i kap. Hi kahdohnak ah hin SAC ralkap lei zeimawzat a thi, tiah Karenni ralkap nih cathanh an chuah. Cre-TCP