Moscow nih tu kum chungin Europe nih $ 100 billion leng Russia Gas an cawk lai tiah ruachannak an ngei. Russia le Ukraine buainak ruangah Europe ram ah gas man a kai chin lengmang caah Europe ram pawl sin ah Gas an zuar man cu $ 100 billion leng an hmuh lai tiah French Newspaper Les Echos nih a tial. Kum 2021 nak in tu kum 2022 ah Gas man a kai lengmang caah Russia nih miaknak tampi a hmuh cang.
Russia ram in a chuakmi Oil, Coal le minerals cu tel a si lo tiin a tial. Mah hna fawn chi ah
cun a tam tak tak lai tinak si, Les Echos Newspaper nih a chim ning ahcun
West-pawl (EU ram hna) nih Russia energy sin in Gas lak lo ding in timtuahnak an ngei peng na in nifatin Russia Bank Gasprom sin ah $200 million an kuat peng than ko tiin atial, US le West pawl nih Russia cu heh tiah Sanction an tuah i, Russia dirhmun cu a chia tuk lai i, Russia cu a tho than kho lo tiang dirhmun a phan lai tiah an ruat lio ah,
Russia nih New Ruble Payment Scheme ti policy cu a ser. Mah bantuk in Russia nih policy thar
a ser caah Europe ram pawl hna cu hmun hnih in an kuai! (Ruble; Russia tangka in payment
a tuah duh mi le duh lo mi) Ruble-ah payment tuah a duh lomi ram Poland, Bulgaria le Finland hna cu Russia nih supply a dongter cang i, Russia gas a cawktu cheu nih nih cun Ruble payment hmangin gas hi an cawk tiin Deputy Prime Minister Alexander Novak nih a chim. Gas hi a biapi tak takmi a si. Rawlchumnak lawng si loin, Automobile le factory dang dang ah hmannak a tam i, Europe ram pawl nih
Russia hi ceilak in economy in dantat duh hna hman seh, gas tel lovin in an um kho lo caah atu hi an buai
ngai. Mah hi Russia nih fiangtein a thei caah tu lio buainak ah hin Russia zong hi a ral a that khunnak zong a si. Cre-RTK
Thawngpang dang…. Nizan Ukraine Ram thilcang mi kha, a Mak tuk eee, Rak ka ngaithiam hram ko. Ka Nupi le ka fa le nih bomb le meithal mu a surmi chungin kan luat khawhnak hnga, na Motor ka fir. Kan i thuhnak hmun in, leng lei ka hei chuah ah khin, Motor a Tawh (Key) ai bunh mi cu ka hei hmuh ko i, a ngeitu le a suat hlamtu an um hnga maw tiah nazi pa-hnih leng ka hngah hnu ah,
ka hngak cawk tilo i, ka chungle cu motor chungah ka luhter dih hna cun Vinnitsa khua ummi
kan chungkhat le sinah kan zaam khawh hi a si. Motor chung thil chiahnak box ah phone number hi
ka hmuh i, ka hei call cawlh. Rak ka ngaithiam ko awh, ka chungkhar, zaam pinak caah na Motor ka fir top ko tiin, zangfah nawl buin, ka hei chimh colh. Motor neitu nihcun, Aaaaa….Ruah lo piin, a lawmawm tuk tung! Apoi tiah ruat duh hlah. Motor pa-Li ka ngeih hna i, keimah lila zong ka motor pakhat Jeep he kan chungkhar dihlak in, hmun dangah kan zaam cuahmah lio pi a si ve. Motor dang pathum hna cu,
Datsi akhat tein rawn cia dih in, a Tawh (Key) bunh cia in, hmun dangdang ah ka chiah hna.
Cun motor chungah ka phone number zong, ka chiah chih dih fawn mi hna an si. Can nih harsatnak cu a liampi te hna lai i, dam tein kan i tong tthan te hna lai cuh, lunglawm tein rak hmang ko uh awh, tiah bia a ka leh. Vawlei ah hin, Mi-ttha le midik hi an um rih da kaw. Mah sahimnak ca lawngah le min-tthat duhnak hna, thih tak bak i, a nung mi zong an um rih cuh. Isaac VBT