Home quarantine ah an chia mi pa cu may 1 a thi tiah thawngthei a si, mah kongah hin mi tampi nih rian ttuantu an soisel, thanchiat ngai hna. Chin State falam khuah Quarantine ah chia mi pakhat cu May 1 ah a thi tiah theihternak tuah a si.
Mah kong he petlaihin Falam Sibawi lei ah hruaitu bik Dr. Thluang Za Thang nih a chim ning ah cun, Amah (Athimipa) hi cozah rianttuatu a si i. Office kai loin amah khua Aung Lann Magwe Region ah a kal. April 28 ah falam ah a ra tthan. Amah hi saya rian ttuantu a si. amah lawng in inn ah um mi a si.
Khuadang in a rak tlung mi a si cang caah amah rian ttuanti hawi le an duh ning bantuk in amh inn ah quarantine in chia a si. April 29 zinglei ah a mah office in phone in chawn a si i, natein phone cu a tlaih ti lo. Cun an va zoh tu a rak thi cang. Cun an ka au i, ka va kal, check ka vun tuah i amah hi zawtnak zungthlung lehphia a rak ngei cang mi a si. Source-TheNgephesizo Post
Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.
English ka rel mi le ka source hna hi a dang ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zong ah ralrin tein ka source ka zohnak ding caah a si lai i cun thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor
Leave a comment