France hi thatlei a kal cang lai tiah zum a si lio ah, a thimi an karh thluamah hoi cang. Italy bantuk in a thimi an vun karh thluamah cang. Ni khatni a dih cang ka in suimilam 24 chung in mi 833 an thi hoi cang. Friday kha a thimi tambik nak an si i minung 588 an si. Health Minister Olivier Veran report ah a thimi dihlak in 8,911 an phan cang. March 17 in Lockdown an tuah, Nursing home ah 2,417 an thi i a dang zong cu siizung ah a si.
A fak tuk hrinhrang ko ee!!! Minung lei cun zeihman tuah khawh a si ti lo, hnabei dongh cik cek si cang, New York siizung pakhat Elmhurst Hospital Queens ah rian ttuantu pakhat cu a thimi le dawmlo mi an tam tuk caah tuahnak lam a theih ti lo i, Rian dinh karlakah lengah a chuak i, vanlei a zoh i a kut a phar i, Pathian sin ah Bawipa zeihman tuah khawh mi kan ngeih ti lo. Nangmah lawng kan nih bohchan ko cang tiin vanlei a kut phar in a au thluamah
Elmhurst Hospital, Queens hi coronvirus damlo mi zohkhennak pakhat asi ve i. EMTs nih a chim ning ah cun atu kan tonh mi cu raltuk lio ah thil cang mi he a khat cang. Damlo an tam ning le damlo zohkhennak ding caah kan herh mi a tam tuk caah duh ning bantuk in kan ngei kho lo tiin a chim.
USA ram chungah coronavirus ruangah a thimi hi 9618 an phan cang i, a damlo mi hi 336830 an phan cang. New York khualipi ah suimilam 12 chungah 788 an thi tthan. Atu hi minung lawng si lo in New York saram chianak (Zoo) ah cakei 4 le Chiandeih 3 cu coronavirus positive an si tiin BBC nih fiangtein a phuan cang. Mah Cakei le Chiandeih hi zoo zohkhentu nih a chonh mi si lai tiin zum a si
Minung lei cung zeihman tuah khawh a si ti lo. A dam mi tampi an um, natein a thimi an kar chin lengmang caah Pathian sin ah fakpi in thlacam hi minung lei kan tuah khawh mi pakhat a si. Atu tiang mah sii hi serh khawh a si lo caah vawleicung cu muinka khur bak ah kan um cang. Scientist pawl nih fiangtein an chim. Mah sii minung ah hman khawhnak ding ah cun kum 2021 June thla hrawng ah si lai an ti cang
Atu coronavirus damlo mi zohkhennak caah sii an hmang mi hi Malaria sii a si. Mah hi sii hi USA a ngei ti lo caah India ram PM. Modi a chawn i, “Ka ram chungah a damlo mi an tam tuk caah zohkhennak ding caah kan herning bantuk in ka cawkterh hram ko” tiin a chawn. Mah sii hi India nih ramdang ah kuat a siang ti lo i, atu hi zeihman thawngpang a um lo. India nih USA cu mah Malaria sii a kuat lai maw kuat lai lo ti zeihman bia fiangtein a um rih lo. Source: Economic Times. BBC
Leave a comment