Franklin Graham nih Democrat pawl a vun phom cang hna. A chim mi a hman tak tak

Kan thei cia bantuk in Franklin Graham pa Billy Graham kha a thi hlan ah former President Donald Trump kha kum 2016  election lio ah vote a pek ve. Billy Graham nih a chim ning ahcun, a hlan ahcun Democrat ka si, natein a tu cu Democrat pawl nih Bible cawnpiaknak an kaltak cang caah Democrat lei cu vote ka pek kho ti lo tiin Donald Trump kha a voihkhatnak ah khan a rak vote  mi a si.

Cucaah Republican pawl hi nau hrawh ti bantuk kha an duh  lo caah Franklin Graham zong hi Trump a dirpi ngai mi a si,

aruang cu Donald Trump nih nauhhrawh kha a duh lo caah a si. Labor Day ah Franklin Graham nih bia chimnak a ngei.

Franklin Graham hi President of the Billy Graham Evangelist Association and global charity Samaritan’s purse ah hruaitu bik a si. A chim mi cu, Biden Administration nih Covid-19 he pehtlaihin an thil tuah ning nih US economic le mipi lungthing a hrawh ngai tiin a chim

Tu ni hi American worker le entrepreneurs, midang dang nih an thiamnak le an fimnak hmangin ram le miphun caah an rian tuan ning kan hmuh tawn Ni,

Ni sunglawi tuk mi kan phan than cang. Natein, a tu cu rian tuan huam ti lonak, thathunak nih kan ram a uk cang.

Dawr a ngei mi tampi nih mah le nih tuan/zohkhen huam ti loin midang an tuanter hna i fawitein midang kut in tangka hmuhnak lawng te kawl a si cang tiin a chim. Democrat pawl nih ‘Political hmang thiam lo in mipi sin ah tangka tampi an phawt hna, (Biden administration stimulus payments a soisel duhank a si),

mipi nih rian tuan huam ti lo in a free in tangka hmuh ning lei kap an lungput ah a um i,  a free in tangka kawlnak lei lawngte an kawl cang.

Republican pawl nih mipi rian tuanter ning an thiam i, Democrat pawl nih Tax kaiter i tangka tampi mipi kut in an lak piak hna i ang mah lei mi a si mi hna cu free in phawtzamnak an kawl tawn.

Pathian nih vawlei ah rian tuan ding in a kan ti. Labor ni ah Pathian nih him tein a kan ven caah Pathian sin ah thlacam hna u si. America le kan ram hotu pawl hna caah fakpi in thla cam piak hna u sih. Pathian sin ah ngaithiam halnak kan ngei ding a si, Mah hi kan her bik mi cu a si. Department of Labor pawl nih August chungah rian tuan ning an langter mi ah, economy ah an rian tuan ning thar an langter ning ahcun mi 235,000 nih rian an tuan i natein economist pawl nih mi 750,000 leng rian tuan ding in ruahchannak an ngei.

Natein Joe Biden president tangah zeihman thil tha a um kho ri lo. Pandemic hlan ah 5.3 million hrawng nih rian an tuan.

Oxford Economics estimates nih a langter ning ahcun 11.2 million Americans pawl nih federal unemployment benefit an sungh lai ti a si. cre-RTK

Kawlram thawngpang…..Kabawtoe(ကေဘာတူ) hmun in ralhrang phu hna nih umhmun an khuarnak riahbuk 2 cu nizaan suimilam 4:00 hrawngah KNU,

KNLA le KNDO nih an lak khawh tiah theih a si. KNU brigade 3 in Kayin mipi vengtu ralkap KNDO battalion 3 phu le KNU brigade 5 in KNLA phu hna i fonh in KNU,

Kayin hmunhma brigade 3 le brigade 5 kar Kabawtoe hmunhma in ralhrang phu hna umhmun khuarnak riahbuk cu doh in kan lak khawh tiah KNU nih a thanh.

Ralhrang phu hna umhmun riahbuk cu kahdoh in lak a si hnu ah, ralhrang phu hna nih cuka hmun pawng le KNU-Mutraw(မူေၾတာ္) pengkomh Yaymupalaw(ယယ္မူပေလာ) khua cu vanlawng in zohfelnak le checkhlatnak an tuah tiah an langhter. Source-KNU- Kachin Waves (TCP)