A buai chin lengmang ko, Russia nih West ram pawl sin ah Oil a kuat tawn mi cu West ram ram pawl nih an phih piak (block) lengmang cang caah Russia nih Germany ram sin ah Gas Pipeline a kalter mi cu khar piak a si lai tiah Germany a tlerh ve cang. Germany caah thawngpang chia tak tak si ve. Russia nih Ukraine a tuk ruangah west ram pawl nih Russia ram sin in Oil an cawk tawn mi cu an block lengmang
cang caah atu hi oil man a fak chin lengmang. Russia nih vawleicung ah oil supply lei ah a ngan bik
pahnihnak a si. Gas supply lei ah pakhatnak a si caah Russia nih ramdang nih an her ngai mi a si.
Russia nih West ram pawl sin ah Gas pipeline a kalter i, West ram pawl caah fawitein in man tlawmte in oil an cawk lengmang kho. West ram pawl caah a tha ngai, Natein Russia nih Ukraine a tuk ruangah Russia oil cu an cawk duh ti lo, mah bantuk in west ram pawl nih Russia cungah thil an tuah caah Russia nih Germany ramchungah
gas pipeline a kalter mi cu ka khar lai tiah a tler ve hna US le a hawikom ram pawl nih Oil block hmangin
Russia hrem an nih tim mi hi Germany le Netherland nih an cohlan piak duh lo, Europe ram pawl
nih Gas 40% hi Russia ram in an cawk tawn mi a si. Cun Oil zong 30% hi Russia ta an cawkh tawn. Mah bantuk in Oil le Gas kongah Germany le Netherland nih Russia ta cawk ti lo in um cu an caah thil har tuk mi a si ti kha Russia nih fiang cik cek in a thei caah mah bantuk in Germany zong hi a tler ngam ve mi a si. Cre-RTK
Kawlram thawngpang dang…Sagaing ramṭhen, Yinmapin peng Kaanta-Latpaantaw khua pawng ah
March 8, Zing Sml 9 luan in zaanlei Sml 4 leng tiang SAC ralkap le Yinmapin PDF karlak kahdohnak faak
ngai in a chuak, tiah theih a si. Cu kahdohnak ah cun SAC ralkap lei nih ngol loin hriamngan an kah ruangah ralzaam minung 13 hliamhma an tuar i, cu lakah minung 6 cu an nunnak a liam, tiah theih a si. Cu leng ah SAC ralkap nih Latpantaung khua cozah sianginn lei mipi inn cheukhat zong an khangh chap, tiah theih a si. Tualchung hramtlai phu he faak ngai in aa doh mi hna SAC ralkap pawl hi February 28 Yinmapin peng, Tapyi Aye khua a khanghtu kha an si i,
atu hi minung thazaang 300 nak tlawm lo an um, tiah theih a si. Sagaing ramṭhen, Shwebo peng Ciohmyoung in
thlanglei Makok khua, Heingtagyi khua lei ah rallam a sial mi SAC ralkap pawl cu nihin March 8
chunhnu Sml 2 hrawng ah tualchung mipi vengtu ralkap phu nih bomb an puah hnawh hna i SAC ralkap 4 an thi i hliam tuar mi zong an um, tiah theih a si. SAC ralkap cu Nattaung Naga mipi vengtu phu le Ghost Rider STF Mandalay alliance phu 2 nih bomb lung 6 puah hnawh in an doh hna, tiah Nattaung Naka phu nih thawng an thanh.
= Magwe ramṭhen, Pauk pemgkulh, Inngedawngh khua ah kum 42 nu pakhat cu SAC ralkap nih an
tlaihhrem hnu ah an thah i, a sin ummi kum 3 ngakchia pakhat zong an thah pinah PDF 5 zong an thah
hna, tiah theih a si. March 5 ah khan SAC ralkap pawl cu khuachung ah an rak lut i zaam ai tim mi nu pakhat le a fanu cu an tlaih hna i a nu cu an tlaihhrem hnu ah an nufa in nam in an ah thah hna, tiah tualchung mi hna nih an chim. SAC ralkap nihcun PDF ralkap 5 zong an tlaih hna i mei in an khangh hna pinah nu le hngakchia tel in khuami 29 an tlaih hna, tiah Irrawady nih a langhter.
=Muse Ah SAC kuttang Ralkap Hna Kah An Tong: Shan ramkulh chaklei Muse khuapi ah nihin March 8, zanlei sang ah
SAC kuttang pyithuh ralkap cheukhat kah an tong i minung 2 an thi; minung 2 hliam an tuar, tiah theih a si. Muse khuapi chaklei veng, Taw Yaut ṭumnak lam ah a um mi mithi inn ah SAC kuttang pyitu ralkap hna cu an va phan i, ruak an vui lio; inn chung i minung 8 hrawng a ṭhut lio ah hriamtlaiphu pakhat nih an kah hna, tiah khua mi hna sin in theih a si. Kah a tongmi hna hi Muse SAC kuttang pyithu ralkap an si i, a kaptu hna i zei bantuk hriamtlai phu an si, theih an si rih lo. Cre-TCP