Ralhrang uico pawl an buai chin lengmang ti thei khawh si, Nihin thawngpang kan thei mi tampi lakah Chinram chungah a cang mi, Chin State Kanpalet khua ah SAC a um mi, an mah chungah buainak fakpi a chuak, The Burmese Post nih a langter ning ahcun, Nihin ah SAC KahlahYah 140 Battalion ah a um mi ralhrang ralkap pawl cungah buainak fakpi a chuak i, Sergeant pakhat nih a hawi le pathum,
Battalion Commander le a tangah rian tuantu Sergeant pakhat, an dihlak in pathum cu meithal in a kahthah hna tiah
The Burmese Post nih a tial. Mah bantuk in an mah ralhrang ralkap likah ah buainak a chuak mi ruangah hi atu tiang thei a si ri lo. Cred-The Burmes Post
Thawngpang dang…Hriamngan Lawngte Hmangin An Kah Ruangah Kawkareik Ah Minung Pasarih Nih Hliam An Tuar! Kayin ramkulh Kawkareik peng chungah nawlngeihnak latu SAC ralhrang ralkap nih hriamngan lawngte hmangin an kah ruangah khuami mipi sawhsawh pasarih nih hliam an tuar tiah theih a si.
January 7 zanlei suimilam 6:00 leng hrawngah anmah lei mipi vengtu phu he kahdohnak a chuah hnuin
nawlngeihnak latu SAC ralhrang ralkap nih khua chung leikap ah hriamngan lawngte hmangin an kah.
Tuzing lei suimilam 8:00 leng zongah an kah than i, atu cu Myine Kung le Khuapi Hlun tiin hmun hnih bakin an rak lut. SAC ralhrang ralkap nih an thazaang an i chap than tiah mipi vengtu chungtel pakhat nih a chim. January 8 zinglei suimilam 8:00 lengah SAC ralhrang ralkap leikap nih timhmi umloin hriamngan
lawngte hmangin an kah than caah Kawkareik khuapi hlun leiah hriamngan a tlak ruangah khuami hna cu hliam an tuar pinah minung umnak inn pawl zong an hrawk tiah theih a si.
Tuzing an hriamngan lawngte hmangin an kah caah khuapi hlun leiah a tlak ruangah khuami an hliam, hliam tuarmi an tam ngai tiah thawng kan theih tiin khuami pakhat nih a chim.
SAC ralhrang ralkap nih hriamngan lawngte hmangin an kah ruangah Kawkareik khuapi Kawh Nue khuafonh khuapi hlun leikap in khuami 7 nak tam nih hliam an tuar tiah theih a si. Cupinah khuapi hlun chung phungki sianginn siseh minung umnak inn pawl zong an rawk tiah theih a si. Ref: Than Lwin Khet News