GOOD NEWS : Kanpetlet CDF nih Ralhrang Hna cu Ralrin a Pek Hna

Myanmar ramchung ramthen le ramkulh kipah mah le pengtlang le hmunhma cio ah mipi kilvengtu bu dirh thluahmah a si cang. Chin ramkulh ah cun Chinland Defence Force tiah min bunh a si i ramkulh dang le ramthen hna ah cun People Defence Force tiah an bunh cio.

NUG zong nih Central PDF a dirh cang bantukin a pengtlang le hmunhma hoih in dirhmi PDF zeimawzat nih Central PDF he pehtlaihnak an ngei cang.

NUG in Defence lei Deputy Minister a simi Daw Khin Mah Mah Myo nih hmunkip i PDF vialte pehtlaihnak kan tuah hna lai tiah a chim cang. PDF/CDF thazaang a thawng chin lengmang.

May 8, 2021 ah Kanpetlet peng CDF nih cun ralhrang hna sinah ralrin peknak cathanh a chuah cang. Cu a cathanh chungah cun hitihin tial a si.

Kanpetlet peng CDF nih nawlngeihnak latu ralhrang khawngsil tang i hriamtlai dihlak a tanglei bantukin ralrin peknak cathanh kan chuah.

(a) Mipi thinphanter khotu hriamnam i ken in khuachungah i chawh lo ding!

(b) Zan ah mipi zalonnak buar in hlatlainak le biahnak, lam khamnak le ngiatthlainak tuah lo ding!

(c) CDM ah aa telmi cozah riantuan hna hrocernak, phungning loin tlaihkhihnak le hnahnawhnak tuah lo ding!

2. Cu ruangah ralhrang khawngsil tang hriamtlai hna nih kan langhtermi hna hi buar in zalong te le dai tein khuasak a duhmi Kanpetlet mipi hnahnawhnak nan pek hna ahcun Kanpetlet peng CDF nih kan in kah hna lai. Credit-TcP

Be the first to comment on "GOOD NEWS : Kanpetlet CDF nih Ralhrang Hna cu Ralrin a Pek Hna"

Leave a comment

Your email address will not be published.


*