Kawlram chung a buai chin lengmang i, mipi ralkap pawl an thawngchin lengmang ti thawngpang vun thei ah hi cun lung a nuam ngai, Natein Pathian a bohchan mi kan si caah Pathian sin ah fakpi in thlacam peng i zuam hna u si. Uico ralhrang pawl hna hi zahan ah Russia nih hriamnam tampi a vun bawmh ti thawng kan thei,
Mah bantuk in Russia nih a vun bawmhnak ruang hi thatein ruat ah cun kawl ralkap uico pawl
hriamnam lei ah harnak an tawn cang ti a fiang kho ngai Nihin ah kawlram chung dihlak ah, i tuknak
ruangah kawl ralhrang uico lei a thi mi dihlak cu minung an si cang tiin the Than New nih a langter. Pathian sin ah fakpi in thlacam peng kan hau, Min Aung Hlaing le a uico pawl, minung lungput a ngei lo mi hna hi kan tei hrim lai ti a fiang ko. Cred-Tahan News
Thawngpang dang =Sagaing ramṭhen, Inntaw peng ah ralhrang motor 30 cu KIA le Inntaw peng PDF phu
hna nih nihin January 27 zing Sml 4:00 hrawng ah bomb in voi 3 an puah hna i, hriamngan he hriam
hme he an kah chap hna. Hi kahdohnak ah hin ralhrang a thi mi le a hliam mi an tam, tiah theih a si. Ralhrang motor run cu KIA le PDF a fonh mi phu hna nih Intaw-Mezar(မဲဇာ) karlak ah voikhat, Innthaw le Mawlu (မျောလူး) karlak ah voi 2 bomb an puah hna i, hriamngan he hriamhme he an kah chap hna caah ralhrang tamlak an thi.
A hliam mi zong an tam caah motor cung ah an khin duak hna i, an kal, tiah Inntaw peng PDF nih
cathanh an chuah. Ralhrang hna nih hriamngan le hriamhme he an kah ve hna nain KIA le PDF a fonh mi phu hna cu hliam a tuar mi um lo tein hnu an tolh kho, tiah Inntaw peng PDF hna sin in theih a si. Khit Thit Media
= Mandalay ah February 1 ni dawr hung lo in a um mi pohpoh cu nan dawr kan in laakpiak hna lai, tiah
ralhrang nih thawng an thanh, tiah Mandalay khuachung dawr ngeitu pakhat nih a chim. “February 1 ah dawr nan khar lai lo, tiah dawrchung ah an rak lut i an kan chimh. Nan khar ngam ahcun khar ko uh, nan dawr kan in laakpiak hna lai tiah an kan ti. Catlap pawl an kan zohter i, ‘Mah hi kan kharpiak cang mi dawr pawl an si’ an kan ti,” tiah dawr ngeitu pakhat nih cun a chim.
“Nizan ah Ministry of Irrigation nih dawr khar lo ding theihternak catlap a kan pek mi cu a dang te a si ve.
Nihin cu Ralhrang nih khinh mi rian a ṭuantu sangukbawi, Pyo-Saw-Tti pawl le ralhrang pathum nih an rak ra i an kan chimh. A biapi cu February 1 ah tuah ding i tinh mi ‘Silent Strike’ ah tel lo ding in an kan chimh,” tiah a chim chap. A ra lai mi February 1 hi ralhrang nih hramhram in uknak an laak kumkhat tlin ni a si caah mipi vengtu ralkap nih ‘Silent Strike’ tuah ding in a luancia zarh ah thawng an rak thanh.