Hakha ah Palik Bawi Pakhat Amah tein aa That

Hakha palik zung ah rian a ttuanmi Pu Sui Hung (တပ်ကြပ်) cu nizan May 17 ah amah tein meithal in aa kap, tiah thawng kan theih.

Paliklen, ahlan ralkap tidil pawng ah khan amah tein meithal in a khabe tanglei in aa kap i a nunnak a liam.

“Zu a rii i lung molmok in a um i aa kap an ti. A khabe tanglei in aa kap. Kanpetlet lei in a rak i tthialmi minote a si. Hakha palik zung ah rian a ttuannak

zong a sau rih lo,” tiah minung pakhat nih The Chin Journal ah a chim.
Zei ruang ah amah tein meithal in aa kah timi fiang in theih a si lo. Credit-TcJ

Relchap : Shan ramkulh chaklei Kuatkhai khua cozah lampi ah rallokap hriamtlai phu hña i disel phor tu mawtaw 7 cu nihnih chungah KIA nih kham in an kah tiah theih a si.

” Nizan ah disel phor tu mawtaw paruk cu an kah, tu zingka zongah mawtaw pakhat an kah chap. Mawtaw kah cang mi hi pasarih a si cang ” tiah KIA lei in biachim nak nawl ngei tu tongmangham Nawbu nih a chim.

Kuatkhai khua pawng ah a um mi Namhpachi khua pawng ah tuzing suimilam 7:30 hrawng in 8:00 tiang KIA le rallokap hriamtlai phu hña kar ah kahdohnak a chuak tiah theih a si.

Mansi peng lei zongah tutiang Mansi ah a ummi rallokap hriamtlai phu hña nih hriamngan hmang in an kah hña tiah theih a si.

Mansi peng Mading khua lei zong KIA le rallokap hriamtlai phu hña kahdohnak a chuak i rallokap lei nih a hriamtlai minung thazang a chap hña.

Be the first to comment on "Hakha ah Palik Bawi Pakhat Amah tein aa That"

Leave a comment

Your email address will not be published.


*