Hakha COVID-19 Response Committee nih May 5 tiang ah bawmhnak an hmuh cang mi dihlak

Hakha COVID-19 Response Committee nih May 5 tiang ah bawmhnak sing 132 leng an hmuh cang Hakha COVID-19 Response Committee nih
bawmhnak an hal mi chung in May 5 tiang ah sing 132 an hmuh cang tiah May 7 ah  theih a si

Hi an hmunnak kong le an hmannak kong he pehtlai in Hakha COVID-19 R es pon s e C om m it t ee Chairman Salai Van Cin Thang nih, “Hakha khua chung ah a bik in phu pathum in kan then hna i pakhatnak ah biaknaklei kan hal hna. Pahnihnak ah Company ngei mi hna le pathumnak ah Sang 8 chung ah bochan mi pawl kha ca in kan pek hna i bawmh kan hal hna. Ramleng lei hi cu Go-fund-me in bawmh kan hal hna,” tiah  a chim.

“Kan cawlcangh ning hi a tam ngai cang. Cu lak ah a biapi bik in kan tuah mi pakhatnak ah Hakha sii-in ca ah a herhhai mi sii le COVID-19 runvennak ca ah a herh mi pawl le PPE 100 kan cahpiak lio hna. Pahnihnak ah Facility Quar- antine an chiah mi hna hmun thum ah Cozah nih an bawmh mi hna pinlei i an chambaunak pawl kan bawmh hna. Hakha College i Facility Quarantine a um mi hna cu ti an har ngai.

Hi ban- tuk an chambaunak pawl kha bawmh kan halpiak hna. Fa- cility Quarantine an chiah mi hna rawl pek zong kan naule nih chunzaan in an i then hna i zohkhenh hna. Pathumnak ah Gangaw lam le Matupi lam lei kha cunglei bawmhmak in kan hngah hna. Matupi lam lei hi cu a cunglei minung an i phakzawh lo ca ah Cawbuk Sang upa pawl le mino hna he i bawm in kan hngahti hna.

Palinak ah Home Quar-antine um mi pawl  zohfelnak kan ngei. Sang in kan i then hna i Ngandamnaklei tuanvo ngeitu hna le kan naule i bawm in kan zohfel hna,” tiah a chimchap. Atu tiang ah Hakha COVID-19 Response Commit- tee ah volunteer min cazin aa pe mi an dihlak minung 248 an si cang tiah  theih a si.

“Hi thawngpang hi The Hakha Post nawlpeknak in kan rak langhter mi a si. Ahohmanh nih duhpoh in i laakchin khawh a si lo,”