Vei khi si: Khat lei nih cu zat khat lei nih hi zat tiin cathanh an chuah. A taktak cu tihin a si, Ralhraang hi Kalay in an rak kai ah 200 leeng an si. An rak kai pah Tuphei khua pawngkam ah minung tam nawn a thumh hna. 2022 July 5 ah Falam an phan. July 6 ah Lungpi an phan. Lungpi khua in ramtang in a kalmi an um. CNDF hmanh mi a pah in i pah i a puak mi bomb an i pah len.
July 6 hi Thlanrawn kam ah zaan khat an riak. Thlanrawn in July 7 ah Hakha lei hoih in an chuak i CNA bomb in kan thuat hna i Hakha hrambunh ralhraang 266 sakhan ah an bochan taktak mi Captain pakhat telh in minung 13 an thi. Hi tan ah ruak hnih hi phum zong phum lo khangh zong khangh loin an chiah top hna.
Falam in a rak kai mi hi 200 fai an si (200 an tling lo kho men nain 170 cung cu an si). “A chung in kan theih tiah cheukhat nih an chim mi 108 kha a dik lomi a si,”. Tutan ah nu ralkap meithal aa tlaih mi zei mawzat an i tel. An motor hi a dihlak ah 22 a si. Cu ti cun Tal, Tlangzar, Ramthlo, Dokthek le Chuncung pawngkam kan i kahnak ah ralhrang a tlawm bik 60 an thi lai tiah zumh a si.
Mipi ralkap chung in minung pahnih nih ram ca ah pakhat te lawng ngeih mi nunnak an biakam bang ui lo tein an pek. Chuncung lonh kahdohnak a daih hnu tiang ahhin ralhraang a minung thazaang a taang mi 90 fai lawng an si (rel khawh mi ah mu).Huiha… a minung thah zat ah kan buai pah hoi le ka hmur ka hun sauter ta sawh khi si. Credit: Salai Tluang Te
Kum 2022 Ah Ngeih Dingmi Lungput Kong Rak Rel Ve: Na mit ain na hmuh ii na ton lomi cu na Kaa in va chim hlah. Aruang cu bia felfai lo a si kho. Na theihmi bia kha a hman bakmi a si tiah nangmah nih na hmuhton mi lawng kha chim. Na theih lomi bia cu ka thei lo ti kha tih hlah. Ka thei loh ti ko! A thei bantuk in naa umter a si ahcun nangmah lehlam na thil a rit menmen. Mi nih lung in an in cheh ahcun va u ve duh hna hlah. An in chehnak lung tu kha na dirhmun a feh nakding lungphun ah cangter.
Minung hi kan tthancho, kan lar bakin dohdaltu kan ngei khun tawn. Dodal mi si an duh lo a si ahcun lar le minthan kha ii tim duh hlah. Buainak na ton a si ahcun ii chia rih. Bia na chimmi kha ii dinh ta law buainak cu amah tein an tian dih ko lai. Na sinak kha nangmah tein cawisan ii zuam law minih cawisan le thangthat lawng kha va bawh hlah. Khua a ruat kho lomi minung pawl he buainak na tuah hlah. Annih cu anmah le an caantawk, an sining he aakhat bang in anmah lawng va buai ko hna seh.
Mi nih theih an duh lem lomi biathli kha a chim phuangtu va si hlah. Biahman a si hmanhah, chim dih ding tinak a si lo. Thingthei cu a hmin hnu lawngah lawh ii ei a si bantuk in khuaruahnak zong hi tlamtling te le zei a si ti kha fiang tein a chuak hnu lawngah langhter ding a si. Nangmah le nangmah ka palh ii ti lengmang. Zeicahtiah ka palh ti kan ii theih hi “mi hman, miding” kan s ihram aa thoknak a si. Na thinlung chungah mi huatmi tamtuk ii chiah hlah. Cu nak cha cun kha lio caan ahkhan vawleicung ah keimah lawng hi ka um, tiah ruat law mi zeihmanh huat ding an ngei hna lai lo. Nangmah le nangmah naa huat a si le na palh tinak a si.
Mah le mah ii boachannak ngeihtluk in a tha mi a um lo. Asinain mah lungput nihcun that lo nak le porhlawtnak hmun ah in phak pi hlah she. Tangdor zong hi a tha ko nain, ralchiat tuk nak ah hmang fawn hlah. ‘Hohmanh ka care lo’ ti hmang hlah. Midang na care lonak kha nangmah le nangmah mual naa phohnak zong a si kho. Thil tha tampi tuah hi a sual loh. Asinain a rak kirthan lai tiah ruahchannak he mi va bawm hlah. Mah cu naa bochan a si ahcun a rak kirthan lo sual a si ahcun na thin hunnak mei na alh ter menmen lai.