Hakha sii dawr ngeitu pawl an thil zuar mi cu tih nung bak ko hi

A poi tuk hrinhrang ee!! Khrifa ka si aa ti mi nih mah bantuk in thil tuah duh cu!!, tangka kan duh tuk ruangah mi caah thil tha a si maw si lo zong kan thei ti lo e. Mah bantuk cu cozah le vawlei ngandamnak lei ah rian ttuantu WHO nih a siang lo mi thil a si, dawr ngeitu an si ah cun mah bantuk hi an thei ding si, natein zeiruangah dah mah bantuk in an tuah ti mi hi halding mi a tam ngai

China State khualipi “Hakha” ah Sii dawr pawl hna cu thatein zoh piak an si i, Sii dawr ngeitu tampi nih sii a thi cia mi (Expired) cu hlawn lo in an zuar peng tiah thei a si. Mah hna hi an tlaih piak hna i, tu an tlai mi hiĀ  kawlram tangka in 180000 man a si. Mah bantuk in a sii a thi ciami zuar hi siang a si lo caah an tlaih piak mi hn a si tiin Daw Mon Mon Khaing nih a chim

A chim ning ah cun atu cu zeihman dantatnak kan tuah hna lo i, mah bantuk sii a thi ciami hna dawr ah an zuar peng mi hi record kan tuah i kan hlawn piah dih hna tiin a chim

June 9 thawk in mah bantuk hi zohfelnak tuah a si. Mah bantuk in sii a thi ciami kan tlaih mi vialte hna hi Myone Sipin sin ah kan pek i, an mah nih mei in an khanh hna tiah a chim

Sii hi kan damnak a si i, natein sii a thi cang mi hi minung caah ral a si fawn caah, sii a thi cang mi hi zuar hi siang a si lo. Credit-thengephesizopost (Source-Chin World)

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Hakha sii dawr ngeitu pawl an thil zuar mi cu tih nung bak ko hi"

Leave a comment

Your email address will not be published.


*