Hna a ngam tuk ee!! President Trump Pathian nih dirpi chin hna seh

Franklin Graham nih President Trump A Dirkamh.. Sandah piahtu hna nih an khanghmi, St.John Church ah President Donald Trump a kal i bible a put ruangah micheu khat nih an soisel nain Evangelist minthang Franklin Graham nih President Donald Trump cu a dirkamh colh. Franklin nih a Facebook ah a tialmi cu, “President pakhat nih biakinn ah bible a ken i, a kal kha thil sual a si lo, kan i lawmh dingtu a si. Pathian bia lawnglawng hi mi vialte ca le kan ram US caah ruahchannak a umter tu khotu a si. Atu kan tonmi buaibainak hi thlarau le ziaza lei in kan chambau ruangah a si. Mah vialte a thleng khotu cu Pathian bia bible lawnglawng a si.

“Pathian ka zum aa timi cheukhat hna le media cheukhat hna nih Kan President pakhat nih biakinn ah kal in bible a kenmi an soisel ka hmuh tik ah ka zumh kho hrimhrim lo, ka khuaruah lei a har. Soisel cu chim lo, an thangtthat i an lawmh dingtu a si. Soisel nak in thla tu an cam piak deuh ding a si. Church hruaitu hna nih an sawm than i, atu bantuk kan ram nih fahnak a ton lio caan ah kan ram tha tein a hruai khawnak dingah thla tu an cam piak deuh ding a si.

Khirhfabu kip in Pastor vialte, ram hruaitu vialte nan dihlak nawl kan duhmi hna cu kan kut i tlai hna usih law kan thinlung dihlak in kan ram caah thlacam tti hna usih. Pathian nih kan ram hruaitu vialte, kan khuabawi vialte, kan governor vialte, a kan vengtu palek vialte, ram hruai thiamnak a peknak dingah thlacam tti hna usih. Pathian bia pakhat lawnglawng hi kan i ruachannak le kan damnak a si.

Atang lei bible cacang te hi St.John biakinn an khangh ni i, a FB ah a tial chihmi bible ca cang a si. “Pathian bia cu a nung i a ṭhawng. Kap hnih har vainam nakin a haar deuh. Hlang lak in a cheu khawh, nunnak le thlarau an i tonnak tiang, hliahcang le thlik an i tonnak tiang a cheu khawh. Minung lungthin duhnak le ruahnak vialte kha a hngalh dih. [ Hebrew. 4: 12 ]

Franklin Graham cu Billy Graham fapa a si. (A dikdiar in lehmi a si lo, a tawifiannak tu in lehmi a si. A dikdiar rel duhmi nih cun a FB ah rel khawh a si.). Credit- Salai Lairamthang

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor