Tu lio Russia le West pawl thawngpang cu a linsa bak ko, mah bantuk tiang vawleicung Democracy ram pawl nih kan tawn ding mi cu ruat ngam zong a si lo ee. Tu hi Munich ah US le a hawikom ram pawl meeting an ngei lio a si. Mah Munich Security Conference, Western Allies an ngeihnak ah UK PM Boris Johnson nih a chim mi cu I dohnak a chuak sual ahcun, vawleicung ram vialte nih kan tuar dih lai i, a hlei in Democratic State pawl nih fakpi in kan tuar lai, Russia nih Ukraine a tuk ahcun, Democrat State pawl
nih fakpi in buainak kan tawn lai, Kum saupi free election kan ngei tawn mi h a dih lai i, Cucaah thisen
tamtuk a luan lai caah mah vialte a cang ding mi hi a khamnak lam kan kawl a hau cang tiin a chim. Cred-RTK
Thawngpang dang…Tu lio thawngpang linsa ngai mi Ukraine nih NATO member si a timnak ah Russia nih a duh lo caah US le Russia buainak cu a zual chin lengmang cang. Atu cu US Senate bak nih party bik ti chim lo in Ukraine dirkam nak resolution an passed cang. Senate ah hin Russia thil tuah ning cu heh tiah an mawhchiat i, Republican Senator Rob Portman le Democratic Counterpart Jeanne Shaheen nih resolution hi an chuahpi
US Congress nih ‘Ukraine Independent le an ram i zohkhennak hi kan dirpi peng lai an ti.
Ukraine hi US Senate hawikom tha tuk mi a rak si i, Natein atu cu US congress nih US Foreign Policy
kongah Russia sanctions nak ding cu kan hmang ri lai lo tiin an chim. Natein White House nih sanctions an tuah duh an cun an mah nawl a si, White House nih a duh ahcun Russia cu sanction ko seh, Russia nih Ukraine a tuk ahcun US congress nih sanctions kan tuah lai tiah biachanak an tuah. Cred-RTK
Kawlram thawngpang.. Rangoon ramṭhen Hmawbi peng ah a ummi ralhrangbu vanralkap (Air Force)
hmunpi cu People’s Force (Yangon) nih nizan ah khan bomb an puahhnawh i YAK 130 Jet Fighter 2 an
rawk tiah theih a si. People’s Force (Yangon) nih thawng an thanhning ah Rangoon ramṭhen Hmawbi peng i ralhrang vanralkap hmunpi cu nizan, Feb 18 ah kan luhhnawh i tlangcungmi hna cunglei in a kaptu vanlawng Jet Fighter an chiahnak ah bomb kan hmanh i zan 11:40pm ah a langin control nak in an puah tiah kan langhter. Bomb puahnak in a rawkmi Jet Fighter 2 cu YAK 130 phun an si i an number cu
1802 le 1803 tiah theih a si. Cu a rawkmi Jet Fighter cu a tanglei i ralhrangbu hotu Min Aung Hlaing ih hmaan aa thlakpi mi hi a si tiah Public Voice TV nih a ṭial.
=Sagaing ramṭhen, Pale peng ChawngOo khua cu nizan February 18 zinglei ah ralhrang phu hna nih mei in an khangh caah khuachung mipi inn 400 hrawng cu a kaang dih, tiah khua mi nih an chim. Khuachung mipi umnak inn an khanghmi kong ah Pale peng Ziphyukung khua ummi pyusawthi le
ralhrang phu hna nih tuahmi a si i, kahdohnak um lo le a ruang umlo in khuachung mipi inn hna cu hramhram in an khangh, tiah khua mi nih an chim. “Kahdohnak zong a um lo, zinglei ah ralhrang phu hna cu khuachung ah lut in meithal an puah caah khuachung ummi hna cu an tlizaam dih, cu hnu ah a ruang um loin khuachung inn cu an khangh,” tiah khua mi pakhat nih BBC ah a chim.
Pale peng khua cheukhat cu kahdohnak a chuah hnu ah ralhrang nih a pawng hrawng khua hna cu mei in an khangh. Cheukhat khua cu
kahdohnak a chuah lo bu zong in pyusawthi le ralhrang phu nih an khangh hramhram mi zong an um, tiah khua mi nih an chim. Sagaing ramṭhen, Pale pengchung ah ralhrang phu hna nih nawlngeihnak an laak hnu ah ralhrang phu le pyusawthi phu hna nih mipi inn cu voi tampi an khanghpiak cang hna. Atu bantuk in ralhrang phu nih inn le lo an khanghnak kong ah ralhrang phu lei nihcun zei thawng hmanh an thanh theih a si rih lo. Cre-TCP