Tu lio US thawngpang tha tial ding um lo, thawngpang chia lawngte si ko, Zawtnak thar ruangah US ramchungah Sianginn le Dawr tampi khar a si lai tiah report nih alangter. Atu hi US State 39 ah Omicrone a karh cang i, siizung a lut mi an tam chin lengmang cang. President Joe Biden nih a chim ning ahcun January hrawngah
atu Omicron hi heh tiah a zual chin lai caah Covid a ngei mi le a thi mi kan tam chin lai caah mipi ralring tein kan um a herh
American vialte nih vaccine i chun dih hna u si, mah cu kan mah le chungkhar caah a him bik tiin heh tiah a aupi cuamah lio a si
Campaign lio ah Joe Biden nih heh tiah a rak aupi mi cu a sungh cik cek, covid hi ka rei lai i, US ramchungah business cu ka khar lai lo tiin, Natein a tu cu mah President a si hnuah a thi mi an tam chin lengmang caah US mipi sin ah Covid i chun u tiin heh tiah a ua pi peng. Omicron ruangah atu hi US ramchungah sianginn kalpi ning thleng a si thluamah cang i,
Restaurant zong khar a si cuamah cang, US ah sianginn minthang tuk mi Harvard University le Stanford University zong nih
thawngthanghnak an tuah cang i, spring 2022 Semester cu online in class kalding in timtuahnak an ngei cang.
Mah bantuk in class kal ding in lam an kawl mi hi US ramchungah thawngpang a chia chin lengmang caah a si.Pennsylvania state university nih Ninga ni ah thawngthanghnak a tuah ve i, Siang ngakchia vialte cu online in class kal khawh ding in ready in rak um dih cang tu tiin Georgetown University zong nih siang ngakchia chin ah phunglam thar a ser i,
campus dining hall chungah thil zeihman ei lo ding, thil cawk mi cu mah le room cio ah ei ding in thawngthanghnak a tuah ve cang. Cred-Foxnews
Kawlram thawngpang… SAC khanhmi Social Welfare, Relief and Resettlement vuanci Daw Thet Thet Khine,
ramri vuanci changtu Lieutenant General Thun Thun Naung, International Cooperation vuanci U Ko Ko Hlaing le Rakhine ramkulh Chief Minister U Aung Kyaw Min telh in mining 22 hna cu Dec 18 ah Chin ramkulh Paletwa ah an phan i zanlei 2:00pm ah Helicopter in Rakhine ramkulh Sittwe ah an kir ṭhan.
SAC vuanci pawl an phak hlan in Paletwa khuami hna cu leng ah chuak lo ding, lam ah i chawk lo ding le inn chungah
ṭha tein um dingin ralhrang nih nawl an pek hna tiah theih a si. Khuami pakhat nih cun “A biapi bik cu internet a ngah lo tikah
peng chung mi hna nih thawngpang kan theih khawh lomi kha caanṭha ah an lak, hmasa zongah sifak le harsa in kan um i ṭihnak le lungdernak kan ngeihmi hna kha caanṭha ah an lak i Chin ramkulh Paletwa a zalong tein an leng. Tuan deuh ah kahdohnak ruangah tlik le zam in caan kan hmang. Atu ramkomh vuanci tiangin an rat mi cu
Paletwa khuami hna an kan zomtaih a si, khatlei ah ramkhel hlawknak ah an hman tiah ka ruah” tiah a chim.
Khuaruahhar ngai a simi cu Paletwa a ra mi hna lak ah Chin ramkulh cozah upa le vuanci pakhat hmanh an i tel lo. Hihi ramri kongah buainak a tong lengmang mi Paletwa peng caah ṭihphaihnak nganpi a si tiah khuami pakhat nih a chimchap. Ref: Mizzima