Inn 12 a kang dih, tangka a kang mi zong a tam tuk hringhran

A poi tak tak, minung a thih mi an um lo cu an vantha bak a si. Ayeyarwady Region Ngwe Kyaw Township Kongku khuah ni 11 zinglei suimilam 9am hrawngah inn 12 cu a kang dih hna. Inn a kang mi hi a fak tuk caah in 12 hna hi minute 45 chungah bak ah a kang dih ko tiah theih a si. Inn kang mi vialte hi tangka in cangter ah cun  2898,000 kyats nak in a tam deuh lai tiah U Aung Aung, fire chief iNgaput Township nih a chimh

Mah bantuk in inn kang ruangah chungkhar 14 hna cu inn lo in an um cang i, minung hi 50 hrawng an si lai tiah theih a si. Aung Soe Min, bawmhnak lei ah rian ttuan tu nih a chimh ning ah cun, hngakchia ca a cawn lio mi minung 16 hrawng an si i, a tu hi exam a ngaipa cang caah an lungreitheih ngai tiah theih a si. Mah meikang ruangah a hrawmthawktu tiah zum mi U Maung Maung Gyi cu tlaih a si cang i. Kung kone palik zungah chia a si i. Case hi Section 285 tuah piak a si.