Inn 14 mei in a khangh mi bawmh ding in Dr. Sa Sa le a rian ttuanti hawi cu Bakala khua an phan cang; Dr. Sa Sa nih a chim mi

Ka rianttuanti he hawi cu Lailenpi, Matupi township in Bakala khua, Paletwa Township Chin State Western Myanmar cu an phan cang, Ni 19 ah khan Bakala khua ah inn 14 cu mei in khangh dih caah zeihman ngei loin an um. Mah mei khangh ruangah an thil ngei mi dihlak in a kang dih caah an caah fakpi in thlacam piak hna u si. Mah khua ah mei khanghnak ruang hi theih a si lo

Mah thawngpang hi Dr. Sa Sa nih a theih cangka in mah ti hin bia a chim…..Dr.Sasa nih achim ningah cun Bakala khua inn 14 cu mei in khangh piak an si. Mah inn 14 chungah hin inn 8 hi kanmah Mara miphun an si tiaha ti. Inn khangh piak atongmi hna hi an neihmi thilri vialte an sung dih. Mei nih ciam dihlak in  a kang dih. Rawl chumchuannak le rawl einak kheng le darkeu zong pakhat hmanh an nei hna lo. Hnifenh puan aih ding zong pakhat hmanh an ngei ti lo. Cu caah ka riantuan hawi hna cu,  Kapa inn ah ka chiahmi ka thilpuan( angki, bawngbi, puan, le belkheng) la u law, Bakala khuami hna sinah bawmhnak pek dingin ka ti hna.

Cu lawng si loin, inn dongkhat ah fangfak bag khat cio in pek chap an si lai tiah a ti. Dr.Sasa nih achim rihmi cu,Mah bawmhnak hi motor nih a phanh khawh tiangah kalpi a si lai I, motor a kal khawhlonak pinlei cu a si khawh chungin tawlrel than a si lai tiah a chim. Hibantuk thawngpang ka theih ah hin ka lungfak tuk, apoi tuk ka ti. Mizei nih dah Bakala khua hi mei in an khangh timi bel biafiang a um rih lo. Inn ngeilo in a ummi Bakala khuami hna caah thlacamnak in bawm cio hna usih tiah Dr.Sasa nih thlacam acah chi

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi le ka source hna hi a dang ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zong ah ralrin tein ka source ka zohnak ding caah a si lai i cun thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor