ISIS nih US ramchungah tih nung tuk mi tuah an nih tim cang

Kabul Airport ah ISIS pawl nih Suicide bomblash an tuah hnuah atu cu US ram chung bak ah tih phainak an tuah ve cang. US ralbawi a rak tuan cang mi, a tu cu a pension cang mi, Major. General Dana Pittard nih a chim ning ahcun, atu cu kan ram chung bak ah ISIS pawl nih tih phainak an tuah cang tiin a chim

A chimmi cu, Kabul Bomb a puah hnuah a tu cu US -Mexico border nak in ti nung deuh mi, tih nung tuk mi, “Bigger problem” cu US mipi nih US ram chung ah kan tawn cang tiin a chim

US ralkap minung 13 an thi hnuah, Retired Maj. Gen. Dana Pittard, a former commanding general at Fort Bliss in Texas nih Border report ah interview a tuahnak ah a chim mi a si.

Major. General Pittard hi kum 2014 ah ISIS pawl an rak doh lioah US ralkap tampi a hruaitu a rak si. Mah bantuk in Kabul Airport ah ISIS nih bomb an puah i minung 13 an thi hnuah, US lawmaker tampi an lungfak i an thinhung tuk cang caah US ram a him lo ning kong heh tiah an chim cuamah cang.

Atu cu US ram chungah, zeidah an tuah lai ti hi ISIS nih an nih tim bik mi a si cang tiin an chim

Rep.Tony Gonzales, R-Texas nih a chim mi cu, nihin ah Kabul ah, thaizing ah US ram chungah, Cucaah Biden nih US border hi thatein a zohkhen i, a kilven a hau tiin Twitter ah a tial

Pittard nih Border report ah a chim ning ahcun, Atu cu kan ramri hi a him ti lo ti lawng hi kan ruat cang. Natein atu cu kan ram chungah a um mi hna hi tih an nung chin lengmang cang tiin a chim. Cre-Foxnews

Kawlram thawngpang.. Pha An peng ah KNLA Brigade (1) le rallokap kar kahdohnak ah ralhrang lei in minung 3 an thi, minung 2 nih hliam an tuar

KNU – Tatung pengkomh Brigade(1), Pha An peng, Ta Kuang Bu khuakomh ah nihin zinglei ah Karen ralkap KNLA Brigade(1 ) le rallokap phu chung tel hna kar ah kahdohnak a chuak, i rallokap lei in minung 3 an thi, minung 2 hliam an tuar tiah KNU lei nih an chim. Nihin zinglei suimilam 7:00 Am hrawng ah Ta Kuang Bu khuakomh Mi Pung khua pawngah a rak kai mi rallokap thazaang minung 20 hrawng a si mi hna cu

KNLA Brigade (1) le KNDO hna i bawm in, an kah hi a si tiah KNU Ta Thung pengkhat Pha Ann peng Lutlai Saw Sandar Ting nih a chim.

Rallokap lei in minung 3 an thi i, minung 2 nih hliam an tuar .Kanmah lei in a hliam mi kan um lo.Mah kan i kah hnu in rallokap hna cu hnu ah an kir than, a thi mi le a hliam mi hna cu Swe Kun lei ah an kal pi tiah Padu Saw Sandar Ting nih a chim.  Source-KIC (TCP)