Israel le Palestine Kahdohnak Cu Daihnak lei Hrim a Panh Kho lo

Gazar kiangkap cu vanlawng in fak ngai kahdoh nak cu daih/ ngol colh ding kan i tim lo tiah Israel prime minister Benjamin Netanyahu nih Sunday ni ah khan a chim. Israel ral tuk nak vanlawng  hña nih construction pathum cu a hrawh i ,a tlawm bik minung 42 an thih hnu tlawmpal a rauh ah Netanyahu nih a tu bantukin a chim hi a si.

 

Tha zaang tling te he dohnak a um rih ko lai, ramkip nih an karlak ah tlangtlak nak a um ko nain kahdohnak cu a dai colh ding a si lo tiah American bia hal nak CBS i “Face the Nation” bia hal caan hman nak ah Netanyahu nih a chim .

Israel khualipi Jerusalem cu harmat ralkap nih a ruang um lo in an doh tiah Netanyahu nih a chim. Saturday ni ah khan Gazar ah AP tel in Aljazeera

thawngzamh nak le a dang mining um nak inn, zung riantuan nak khan aa tel mi dot 11 sang mi inn pi cu Israel nih a hrawh nak kong cu Netanyahu nih huhphenh piak in a chim. Hi kahdoh nak hmun ah minung pakhat hmanh aa khawng deng mi an um lo tiah a chim.

Gazar hmun ah a um mi harmat hruaitu Yehya Al-Sinwar i a um nak inn cu Sunday zinglei ah ni 7 nak Israel nih bom a thlak hnawh hi a si.Bom a thlak lio ah Sinwar pakhat innchung ah a um le um lo fiang in theih a si lo .A mah cu harmat i a dang hruaitu hña he hmunkhat ah thuh dawh a si tiah AP thawngtial nak an an langhter. credit-TcP

Be the first to comment on "Israel le Palestine Kahdohnak Cu Daihnak lei Hrim a Panh Kho lo"

Leave a comment

Your email address will not be published.


*