US supreme Court nih Joe Biden thil tuah ning cu US ram caah a him ti lo tiah a ti caah Joe Biden admin cu mipem pawl kongah Trump policy bantuk in mipem pawl cu zohkhen ding in a ti mi kong ka rak tial cang kha. Atu cu Joe Biden admin nih Trump policy bantuk in thil tawrel cu an nih faksak tuk ruangah maw si,
US supreme Court ah Trump Era Migrant protection protocols policy cu cei piak than ding in nawlnak a tuah
August ah US federal Court nih State of Texas nih cun Biden administration sin ah Migrant Protection Protocols
hmang ding in an rak ti banttuk in November thawk in thatein rian an kal pi. Natein Biden administration mah policy hi kalpi lo ding in le dawngter ding in US supreme Court sin ah an rak nawl. Atu hi US supreme Court nih mah kongah zeihman bia le hla angei rih lo. Joe Biden admin nih US supreme Court ah
nawlnak an tuah mi hi US supreme Court nih a cohlan ahcun kum 2022, April thla ah ceih ding a si lai.
US ramchungah phunglam loin a lut mi an tam tuk caah Texas nih a celh ti lo i, a tu hi amah Texas state
bak nih Trump policy Border wall, Joe Biden nih executive nawlngeinak in pehzul lo ding in a rak ti in a rak dawngter mi kha Texas nih cun amah state nawlngeinak hmang in pehzul a tim caah a tu hi border kongah Texas le White House kar lakah i thei thiam lonak fakpi a chuak.
Joe Biden president a vun si bak in US ram chungah phunglam loin a lut mi an tam tuk caah state tampi nih
an duh lo ning heh tiah an langter i, Joe Biden cu heh tiah soisel le mawhchiat a si, US citizen nak in mah
bantuk in phunglam lo in US ram chungah a lut ding mi pawl kong a ruat deuh caah Joe Biden zong president approval rating ah a ttum ngai i, a vice president Kamala Harris zong border kongah a mualpho ngai ve. Cred-RTK
Kawlram thawngpang….Dec 30, tuni zinglei ah a chuakmi Laykaykaw kahdohnak ah ralhrang ralbawi (တပ်ခွဲမှူး) telh in ralhrang 7 hna cu
an hriamnam he KNU ralkap KNLA nih an tlaih hna tiah theih a si. Mawṭaw sawhsawh he an umnak an i ṭhial lio Yatehko khua ah an tlaihmi hna a si tiah Karen Information Center (KIC) nih a ṭial. KNLA ralkap pakhat nih
“Tuzing kahdohnak ah kan tlaih hna, ralhrang 7 an si. Tetkhuaihmu pakhat aa tel. A dang cu ralhrang sawhsawh an si.
Cunglei upa hna sinah kan ap cang hna” tiah KIC ah a chim. Kan hnulei Dec 16 i Laykaykaw kahdohnak zongah ralhrang khah-mah-yiah 275 in ralhrang 6 le BGF 2 cu KNLA le nih an rak tlaih bal cang hna. Cu an tlaihmi hna cu harem le vuak um loin ṭha tein zohkhenh an si tiah KNU nih a thanh. Cre-TCP