Joe Biden kong tial ahcun thawngpang tha lei tial ding mi um lo, a ruang cu a policy a that lo tuk caah US ram cu tuanbia tha lo lawngte a tial pi caah a tu cu amah a dirkam peng mi nih an kaltak cuamah cang. Trump a rak dohpeng tu le Trump a huat tak tak mi Bret Stephen, The New York Times ah catial tawn tu nih
Joe Biden cu kum 2024 ah President i cuh duh ti hla seh tiin a phomh ve cang. Stephen hi Joe Biden caah a biapi
tuk mi minung pakhat a si ve, kum 2020 ah Joe Biden nih teinak a hmuhnak ah Stephen hi a tel ve mi pakhat a si,
The New York Times ah heh tiah Joe Biden a dirpi mi, Trump kha heh tiah a rak doh peng mi a si ve. Natein atu du Joe Biden a duh lo ning a aupi ve cang. Joe Biden approval rating a niam tuk caah a tu amah a dirkam ngai mi pawl nih an kaltak cuamah cang i, December thla dih hnuah White House staff pahnih nih Joe Biden admin an chuah tak than lai.
The New York Times Columnist, Bret Stephen hi kum 2020 ah heh tiah Joe Biden caah a cawlhcang bak ve mi pakhat a rak si ve
Stephen nih a tial ning ahcun, Biden cu president i cuh ti hla seh, Kum 2024 ah UA President i cuh duh ti hla seh,
Atu bak hin Joe Biden nih president ka cuh ti lai lo ti fiang tein chim seh tiin a phomh, Joe Biden hi a upa tuk cang fawn tikah le a nghalhnak hi a tha maw tha lo zeipoah medica test tuah a hau cang mi minung a si tiin a Joe Biden a duh lo ning cu heh tiah a aupi cang, Stephens nih a tial chap ning ahcun, Joe Biden hi president a cuh than i,
teinak a hmuh than ahcun kum 86 a si cang lai i, mah hi US caah thil tha a si lai maw? Cucaah US president i cuh
ding mi kongah thatein khua kan ruat a hau cang tiin a tial chap, Cucaah a rang khawh chung in president ka cuh ti lai lo ti a phuan awk a si. compei a ke a bai mi nak in a nuar deuh mi nih hin. Democrat party chungah hruaitu tha a vun chuak ding mi pawl caah lam phih tu a si sual lai tiin a chim. Cucaah US ram
caah thil tha a chuak khawhnak ding caah le mipi buaibai lo in le mipi nih lungreithei lo in kan um khawh nak ding
caah a rangnak in President ka cuh than ti lai lo ti a chim awk a si tiin Stephen nih Joe Biden cu aphomh. Cred-NewsMax
Kawlram thawngpang…Nizaan ah kahdohnak fakngai in a chuahnak Laykaegaw (လေးကေ့ကော်) ah ralhrang bawmtu ding ah thlahmi ralhrang phu le KNLA kar Metraw Talay(ထော်သလေး) khua pawngah nihin zinglei ah kahdohnak a chuak than tiah khuachung thawngzamhnak nih a langhter. Nihin
December 16, zinglei suimilam 9:00 luan ah ralhrang phu le BGF phufonh nih Laykaegaw (လေးကေ့ကော်) khuachung
luh an timh lio ah kaphnihkar kahdohnak a chuak. Nizaan Laykaegaw (လေးကေ့ကော်) ah a chuakmi kahdohnak cu zinglei ah voikhat, zaanlei ah voikhat kaphnihkar kahdohnak a chuak. Cu kahdohnak ah cun ralhrang lei in a tlawmbik minung 30 leng an thi lai tiah cu thawngzamhnak nih cun a langhter.The Irrawaddy