US president Joe Biden hi a upa ngai cang, natein midang amah nak in upa deuh mi zong Joe Biden bantuk in an si lo. Joe Biden hi a hngalhnak a tha ti lo tiah heh tiah soisel a si i, Former Trump zong nih Cognitive test tuah se tiah Joe Biden cu a ti tawn, natein Joe Biden nih cognitive test tuah cu a duh fawn lo.President Joe Biden cu
South Carolina University (SCSU) nih, Orangeburg hmunah Graduation Day an hman lio ah bia chim ding in an sawm i,
President Joe Biden nih biachimnak a ngei, Democrat lei nih an upat ngai mi Congressman James Clyburn cawmlawmnak bia a chim lio ah,
US Vice President Kamala Harris cu “President Harris” tiin a chim, a hnuah White House lei nih a bia chim mi hi an vun rem piak than. James Clyburn hi kum 1961 ah minak SCSU in graduate a si, Minak pawl chungah a cawlhcang khawh ngai mi pasal pakhat a si, Biden-Harris rian an ttuan ti ding mi kha a cohlan ti a rak chim cang i,
Curuangah South Carolina zong hi Biden nih Trump a tei tiah an rak ti mi a si, Joe Biden hi voih tampi a holh sual cang i
A luancia kum Dec thla ah ‘President Elect” tiin a rak chim cang i, Tu kum March thla ah Vice President Kamala Harris cu
“President Harris” tiin a rak au hoi cang, California state Senator Kamala Harris nih Sept 2020-ah khan, “Harris Administration together with Joe Biden as the President of the United States” tiin campaign lio ah a rak chim ve, Mah bantuk in Joe Biden admin hi holh sual an hmang ngai caah US mipi lungthin ah US President caah a tlak ti lo ti hi a tam ngai
President Biden hi mi tampi nih Vice President Harris duh ning bantuk in rian a tuan mi bantuk in an ruat cang i
Biden nih a term a hmang dih lai lo tiah a zum mi zong an um cang. Atu hi US mipi nih zeidah a cang te lai tiah an zoh peng mi a si.
Mah bantuk in Joe Biden admin lei ah an mualpho lio ah former president Trump zong (Trump Organization) a zohkhengnak kongah (tax return) a ttuah mi ah nihin tiang alangter duh lo, Federal Court lei nih thup lo in langter cang law tiin an chim.
Kawlram thawngpang… SAC khanhmi Social Welfare, Relief and Resettlement vuanci Daw Thet Thet Khine,
ramri vuanci changtu Lieutenant General Thun Thun Naung, International Cooperation vuanci U Ko Ko Hlaing le
Rakhine ramkulh Chief Minister U Aung Kyaw Min telh in mining 22 hna cu Dec 18 ah Chin ramkulh Paletwa ah an phan i zanlei 2:00pm ah Helicopter in Rakhine ramkulh Sittwe ah an kir ṭhan. SAC vuanci pawl an phak hlan in Paletwa khuami hna cu leng ah chuak lo ding, lam ah i chawk lo ding le inn chungah
ṭha tein um dingin ralhrang nih nawl an pek hna tiah theih a si. Khuami pakhat nih cun “A biapi bik cu internet
a ngah lo tikah peng chung mi hna nih thawngpang kan theih khawh lomi kha caanṭha ah an lak, hmasa zongah sifak le harsa in kan um i ṭihnak le lungdernak kan ngeihmi hna kha caanṭha ah an lak i Chin ramkulh Paletwa a zalong tein an leng. Tuan deuh ah kahdohnak ruangah tlik le zam in caan kan hmang.
Atu ramkomh vuanci tiangin an rat mi cu Paletwa khuami hna an kan zomtaih a si, khatlei ah ramkhel
hlawknak ah an hman tiah ka ruah” tiah a chim. Khuaruahhar ngai a simi cu Paletwa a ra mi hna lak ah Chin ramkulh cozah upa le vuanci pakhat hmanh an i tel lo. Hihi ramri kongah buainak a tong lengmang mi Paletwa peng caah ṭihphaihnak nganpi a si tiah khuami pakhat nih a chimchap. Ref: Mizzima