US president si ahcun pasal, paraltha bak kan her an ti tawn mi kha atu cu US mipi nih an i fiang chin lengmang cang ko. Russia nih mah bantuk in Ukraine tuk ding in heh tiah tim tuahnak a ngei i, atu ramri ah ralkap tampi a chia i Ukraine tuk dingin lam a kawl peng mi hi Russia President Putin nih Joe Biden atih lo tuk ruangah le zei a rel lo tuk caah a si tiin Trump nih a chim.
Trump nih a chim chap ning ahcun, President Joe Biden nih Afghan Withdrawal a tuah mi kongah Joe Biden
a ral a chia tuk i, ceilak in mual apho caah ramdang hruaitu pawl nih Joe Biden cu zei ah an rel ti lo i an
ngam tuk caah a si tiin a chim. Fox and Friends Weekend interview ah tuahnak ah a chim ning ahcun, Atu kan vawleicung dirhmun kan zoh tikah dainak a um ti lo. Mah bantuk in President Putin nih Ukraine lak a tim mi hi US nih Afghanistan kan chuah tak ning kha zoh a chia tuk caah Joe Biden President a si lio ah Putin nih caan tha lak a tim i, mah bantuk in Ukraine hi tuk a tim tiin a chim.
Russia President Putin nih Joe biden President a si chungah hin, US he thatein cabuai ah biaceih i,
biakhianak tuah Russia duh ning bantuk in thil a si khonak ding caah tim tuahnak a ngei mi a si tiin a chim.
Afghan ah heh tiah kan mualpho, US ralkap kan lakchuak hnuah US hriamnam tha tha, tangka in tuak ahcun, $85 billion leng kan sung. US hriamnam tha tha pawl hna kha Taliban pawl hmang ding in kan chiapiak hna ti bantuk asi cang. Mah vialte kha Russia nih a hmuh dih ko caah atu cu US cungah um a tim cang bantuk
Russia thil tuah ning ka zoh tikah ka hmuh ning cu a si tiin a chim. Mah bantuk thil kha a tlung ding a si lo
Mah bantuk thil a cang mi kha a poi ka ti tuk, Mah bantuk thil a cang mi kha a cang lo ding mi a si.
Putin hi ka thei fiang tuk mi a si, Gas Pipeline tuah a tim mi zong ka ngawlter. President ka rak si lio ah midang nak in Putin kha ka thuat mi a tam deuh i sanction fakpi hmangin ka rak thuat tawn. Russia cungah keimah bantuk in pasal le paraltha an um lo. Natein Putin he kan i upat ngai ngei veve i thatein bia kan i chawn kho peng.
February ni 16 ah Putin nih Russia a tuk lai tiah thawngpang a vun chuak hnuah Joe Biden nih Putin a chawn mi kha,
Putin nih Joe Biden bia le hla kha thatein angai piak duh ka zum lo. Phone call in mah bantuk mi va chon kha thil tha zeihman a chuak hlei lai lo tiin Trump nih a chim. Trump nih a chim ning bantuk in, Joe Biden nih Putin a chawn hnuah The White House nih thawngthannak an tuah mi cu, President Joe Biden le President Putin phone hmangin an nih chawn mi ah zeihman thil tha/thawngpang tha thei ding mi a um lo tiin White House nih a chim. Cred-RTK