Russia nih Ukraine cu ni 18 leng a thuat cang. Ukraine nih heh tiah an khualipi cu kham ding in a cawlhcang ve. Ukraine nih NATO le US cu heh tiah bawmhnak a hal peng hna. President Zelinsky nih UK, Canada Parliament bia chimnak a rak ngei cang. Tuzan (India) Tuni (US) US Congress 2 hmaiah bia chimnak a ngei kho ve. A bia chim mi cu ngeichia ngai a si.
Ukraine President nih Joe Biden cu, Free World hotupa a si bantuk in atu Ukraine le Russia an buainak
ah cawlhcang ding in a sawm. Ukraine President nih Joe Biden sin ah nawlnak a tuah mi cu,
Russia “War Machine” a dawng khonak ding caah Russia cu atu nak in fak deuh deuh in sanction tuah ding in a nawl than. Ukraine nih vanlawng an herh ngai caah Joe Biden sin ah vanlawng pek ding in a hal than i, atu Russia nih Ukraine a tuk ruangah mipi zaangfah an si tuk cang caah Ukraine mipi kham ding in Joe Biden sin ah a nawl than
Expert pawl nih an chim ning ahcun, US President Joe Biden nih Ukraine sin ah vanlawng a bawmh
ngam lo mi le ralkap in a bawm ngam lo mi cu ralpi voihthumnak a chuaksual lai ti Joe Biden nih a tih
caah Ukraine hi vanlawng le ralkap hmang in a bawmh ngam lo tiah an chim. Cun, No Fly Zone tuah ding in Ukraine nih heh tiah US cu bawmhnak a hal peng. Natein Joe Biden nih a tuah ngam lo, Joe Biden nih ralpi voihthumnak a chuak ding mi cu a tih tuk caah Ukraine nih a herh mi hi Joe Biden nih a tuah ngam lo tiin expert pawl nih an chim. Ukraine President nih a chim than ning ahcun, President Joe Biden
nangmah kha kan chon hna. Vawleicung ram ropui bik president na si bantuk in daihnak a serh kho tu
president na si. Voih tampi ka chim cang i, kan hal cang kha. Cunglei vanlawng zuangtawnnak hi
Russia vanlawng pawl nih an duh duh an zuan kho lonak ding caah kan khar piak. Bia khianak na tuah mi hi Ukraine caah a biapi tuk mi a si. No fly zone kan tuah piak hram ko. Hmailei kan caah a ceu ngai mi vialte cu hrawk piak dih kan si cang tiin US congress pahnih ah Ukraine President nih Joe Biden/US cu fakpi in bawmhnak a hal than. Cred-RTK
Laitlang thawngpang… Nihin chun Thantlang le hakha karlak kahdohnak ah Ralhrang 5 hrawng an thah
hna tiah theih a si. An hliam mi pawl hi tamtuk dawh an si. an boruak a daih rih lo caah Official in
thawngpangtling theih a si rih lo. A tuhi thawngpang kan hlat cuahmah lio a si caah update kan van tuah than lai. Hakha le Thantlang karlak Tita ah a tap mi SAC ralhrang pawl cu an lan kho lo an kir kho lo caah Hakha in SAC ralhrang motor 3 khat in an mah bawmh dingah an i thawh tiah theih a si. A tuhi Hakha University ah SAC ralhrang pawl cu an um ko rih tiah thawngtheih a si. Zahan zing in SAC ralhrang minung 70 hrawng cu Thantlang khuapi lei panh ding in an i thawh i lam canceo an phak ah
chinram mipi ralkap nih lampi in an bawmh hna i an rak kah hna caah a lanh zong an lan kho lo i a
kir zong a tung ing in an kir khawh lo caah a tu i Hakha ralkap hi anmah chanh ah kal an i tim hi a si bik ko lai tiah Khuami pakhat sin in kan theih. Laknak…vanvan
= Nizaan tihni ah thawngpang a hung chuak mi cu khuaruah a tam ngaingai ko, SAC ralhrang chung khar tampi nih Min Aung Hlaing cu an au hnawh i na kut tang ah nunnak pek kan duh ti lo tiah ralkhap chungkhar nih an au hnawh leng cang tiah Media liam pipi nih an van langhter. Hramhram in uknak na lak mi tang i kan um ruangah a lam kip in harsatnak kan tong cang, kan chungkhar kan him tilo, a zei le
zong in harsatnak nih a kan khuh, cu caah na kuttang ah ralkap tuan kan duh ti lo tiah an au hna.
Hi kong he peh tlai in yangon ramthen hrang zong ah kan hnu lei ah ralhrang nupi le nih BBC ah an rak chim cang. kan caah ttihnung a si caah CDM tuah kan duh ko nain kan tuah ngam lo tiah an chim. Nizan tihni hrawng in SAC ralhrang chungkhar le anmah ralkap hrimhrim nih a hreh lomi ah na caah nunnak pek hi kan duh tilo, kan cohlang kho lo tiah Min Aung Hlaing cu an au hnawh. Mipi hi uknak na lak mi hi pe than hna, na pek hna lo a si ahcun na kuttang i raltuk le thisen chuak kan duh ti lo tiah an au hnawh len cang. Cred-A Peng