Joe Biden a mualpho bak, Trump tu sawm a si

Kan thei cia bantuk in Kabul bomb blast ah US ralkap 13 an thi kha. A thimi lakah Marine Lance Cpl, Kareem Lee Grant Nikoui chungkhar thil tuah mi nih US mipi khuaruahhar in a chia hna. California Gold Star, Kareem Nikoui nu Shana Chappell’s nih a fapa ruak vuinak ah former President Donald Trump a sawm.

A sining ahcun, mah bantuk in ralkap, ral ruangah a thimi vuainak ahcun President a tuan lio mi sawm an rak si tawn,

Natein tutan thil a cang mi ahcun President Joe Biden cu sawm a si lo tikah mi tampi nih Joe Biden an uar lo ning fiangtein alang chin lengmang cang tinak a si

Mah bantuk sawmnak sunglawi tuk mi cu President Trump nih a hmuh bak in letnak a tuah cawlh i,
Save America PAC, email in Donald Trump “Shana kaa lawm tuk, na fapa bantuk, ram le miphun caah a thi mi ruak vuinak ah cun tel ka duh ngai, tiin letnak a tuah

Marine Nikoui hi September 18 ah ruak vuinak caan an hmang lai, Nikoui nu le pa nih, an fapa thinak ah President Joe Biden zeihman a si lo tuk tiin Joe Biden an puh.

A pa Steve Nikoui nih The Daily Beast sin ah a chim ning ahcun “President Biden nih ka fapa a hlawt, ka fapa cu kabul ah ka uk phortu bantuk in an kalter, natein a chia bik kan tawn tiin a chim. Cred-RTK

Kawlram thawngpang…September 7 ah NUG nih Kawlram emergency a thanh mi cungah Taluk cozah nih zeihman a si hlei lai lo a ti nain Kawlram i Taluk sehzung cheukhat nih rian dinh an i tim tiah theih a si. Ralhrangbu nih nawlngeihnak a lak hnuah NUG cu April 16 ah dirh a si i, NUG nih September 7 ah rampi huap in emergency cathanh a chuah.

Hi kong he pehtlaih in Taluk cozah nih NUG le ralhrangbu cu thazaang an i thlau tuk caah NUG nih atu nakin zeihmanh an tuah kho hlei lai lo tiah ruahnak a ngei nain

Kawlram chung Taluk sehzung cheukhat hna cu thil cawtu hna sinin thil an cah ti lo tiah global times nih a langhter.

Kawlram i Taluk La le hnipuan thitnak bu secretary Luo Muzhen nih; Maersk company nih kan tuanti nak cu tuzarh chungah ruahlo pi in a kan din tak. NUG le ralhrangbu kar kahdohnak ruangah riantuantu hna nih riantuan duhnak, chawlehnak le ramdang mi hna himnak caah phan ngai a si tiah a chim.

NUG cathanh cungah ralhrangbu lei nih zeihmanh hmurka an chuah rih lo nain, ralhrangbu hruaimi innhngak cozah cu nizaan September 7 ah khan meeting an ngei.

Yangon ahcun cunglei he tanglei he runvennak chah ngaiin a chiah i, Karen ramkulh ahcun mipi ralkap he chawnhbiaknak an ngei tiah theih a si. Kawlram chawlehnak dirhmun cu a fianglo tuk ruangah Confederation of Trade Unions le Myanmar Industrial Global Union hna nih Kawlram in thil cah mi vialte dinhter dingin nawlnak an tuah.

Kawlram buainak he pehtlaih in Kawlram i Taluk he tuanti mi set.hzung cheukhat hna cu tuk le meikhangh an si caah Kawlram sehzung ah invest a tuah mi Taluk chawlehtu cheukhat hna cu midang sin ah an zuar cang hna.

Chawlehtu cheukhat nihcun a tu Kawlram dirhmun hi zual lei a panh ahcun Taluk sehzung hna sin ah US le Europe in thil an cah tawn mi hna a din lai phan a um ngai tiah an ti. Ref; global times (Cre-TCP)