President Joe Biden nih gas tax holiday kan kalpi lai tiah tuah a timh mi cu House Speaker Nancy Pelosi, D-Calif nih a cohlan piak duh lo. Nancy Pelosi nih Democratic Party pawl nih mah bantuk in President Joe Biden nih a timh mi cohlan piak khawhnak ding ca ahcun caan tampi kan herh tiin a chim. Mah kong he pehtlaih in Nancy Pelosi nih a chim ning ahcun, “President nih House le Senate-hmailei karhlannak ding caah tuah dingmi hna cu khawi ka ahdah a um ti cu kan thei lai, House Democrats pawl nih
Consumer Fuel Price Gouging Prevention Act le Lower pawl telnak pump thumnak dingkong
bill cu thawngngai in kan tuah lai i mah cu Food and Fuel Costs Act,” a si lai tiin a chim. Cre-Newsmax
Kawlram thawngpang…Kalay Peng Kahdohnak Ah SAC Ralkap 10 An Thi, PDF Ralkap Pakhat Nunnak A Liam!: Nihin June 22, Kalay peng chaklei kahdohnak ah SAC ralkap 10 an thi i, tualchung hriamtlai phu lei in ralkap pakhat a nunnak a liam pinah minung 4 hliamhma an tuar, tiah Chinland Defense Force – Kalay nih an thanh. Minung thazaang 100 hrawng he rallam a sialtu
SAC ralkap cu tualchung hriamtlai phufonh nih HaeLoh khua pawng ah an kah hna, tiah theih a si.
Nihin June 22, zinglei suimilam 9:30 in suimilam 3 chung tiang hrawng kahdohnak ah
SAC ralkap lei minung 10 nak tlawm lo an thi i, hliamhma tuarmi an tam tiah CDF-Kalay nih cun an thanh. Tualchung hriamtlai phufonh lei pah-kah-phah in minung pakhat, Vakok/NA(CNDF) in 2 le PDF in pakhat, an dihlak ralkap 4 hliamhma an tuar i, PDF-Kalay chungtel in ralkap pakhat a nunnak a liam, tiah an langhter.
Myinchain EPC Zung Ah Deputy Superintendent Pahnih Thah An Si!: Myinchain peng HnatChoṬaw khua ah,
EPC zung in Deputy Superintendent pahnih cu khuachung ah mei man(electric bill) kholh in an kir lei ah,
aho si theih lo mi hriamtlai phu nih June 21 ah an kah hna i, kah an tonnak hmun ah an pahnih in an thi colh, tiah tualchung mi pakhat nih a chim. Thah a tongmi pahnih cu Myinchain EPC zung ah Deputy Superintendent reng ngeimi U Tin Ko le U Myo Zaw Win an si tiah theih a si. “Thah an ton lawng hi a si lo, mei man an kholhmi phaisa vialte zong an laakpiak dih hna” tiah tualchung mi pakhat nih a chim.
==Aung San Suu Kyi Cu Naypyidaw Thonginn Pakhat Ah Ṭhial A Si!: State Counsellor of Myanmar Aung San Suu Kyi
cu nihin June 22 chunhnu in Naypyidaw ah, a dang tein sak mi thonginn pakhat ah ṭhial a si,
tiah min langhter a duh lomi pakhat nih RFA thawnglatu sinah an chim. Suu Kyi an ṭhialnak hmun hi amah ca hrim ah a dang tein an sak mi a si, tiah theih a si. Suu Kyi kong a chimtu nih cun, “Amah chiahnak hrimhrim ah sak mi inn pakhat a um i, cuka hmun ah cun an kalpi. A cawngtu le a zohkhentu ding cu zeitin an tawlrel lai, theih a si rih lo. Thonginn thar ah ṭhial a si ding mi cu ni zeimawzat ah khan kan theih cang. SAC ralkap lei nih Suu Kyi an ṭhialnak aruang cu amah pumpak himnak ca ah le zei dangdang kong ah a si tiin an thanh,” tiah a chim.
Suu Kyi case pawl cu a ra lai mi June 23 in Naypyidaw tonginn ah biaceih ding in SAC ralkap lei nih
timhtuahnak an ngei tiah biaceihzung ṭuantu hna nih thawnglatu hna sinah an chim. Suu Kyi Sihni(lawyer) pawl zong biaceih caan a phak lai cang caah Naypyidaw ah ra ding in SAC nih thawng an thanh cang hna tiah RFA thawnglatu nih a chim. Aung San Suu Kyi Naypyidaw thonginn thar ah ṭhial a si kong he pehtlai in General Zaw Min Thun cu RFA nih a pehtlaihnak an tuah ko nain bialehnak a pe rih hna lo, tiah theih a si. Cre-TCP