US ram hi cu a buai peng ko lai, a ruang cu pumpak duh thimnak hi a biapi tuk ah an chia caah a si. Joe Biden nih ralkap pawl hna cu an dihlak in vaccine an lak ding a si tiah nawl a rak chuah, natein ralkap chungah mi tampi nih vaccine lak a hau lo, a herh lo, a ti mi an tam ngai caah le vaccine lak le lak lo cu mah le duh thimnak a si lai a ti mi an tam ngai caah
Joe Biden cu court ah taza an cuai i, Washington DC Circuit Court nih Joe Biden nawl a chuah mi cu a rak thah piak cang hna
Atu a voihhnihnak ding caah Joe Biden nih Health lei ah rian tuantu dihlak vaccine nan lak lai tiah nawl a chuah mi cu Missouri-based U.S. District Judge Matthew Schelp nih a thah piak ve than
Missouri US, District Judge Mathew Schelp hi Trump president a rak si lio ah Judge caah a rak thim mi a si. Missouri US District Judge Mathew nih biakhianak a tuah mi ah a langter ning ahcun North and South Dakota, Nebraska, Wyoming, New Hampshire, Missouri, Kansas, Iowa, Alaska, and Arkansas ah Health lei ah rian a tuan mi vialte hna,
Joe Biden cozah nih January ni 4 hlan ah vaccine nan lak dih lai i, vaccine a lak lo mi poah cu nan rian in phuah nan si lai tiah a rak ti mi cu,
Health lei ah rian tuan tu pawl caah dawntu a si i, an rian thatein a tuan ter khawh hna lo caah tiin Biden admin nih nawl a chuah mi cu a thah piak hna. Cre-Breitbart
Laitlang lei thawngpang…. Mindat- Matupi Lam, Meng tung 16 lam then ah ralhrang bomb lamh sual caah hliam atuar mi pafa chung in apa asi mi U Zaw Ngai cu nizan zan ah siikhan an phanh phi hnu ah athi tiah CDF – Mindat chimnak nawl ngeitu Ko Zaw Man sin in theih asi.
” An pahnih in kan va chanh hna siikhan ah kan kal pi hna. Lam ah bia hna an chim ko i an tha ko thinphan ding um lo tiah kan ruah.
Sikhan kan phak bak ah a pa cu shock angah i sii khan kan phak bak in CPR pek colh a si. An chanh len nain a ngah ti lo,
atha tuk ko nain athi tam tuk achuah caah ruah lo piin shock angah hi asi. Afa tu cu akut dong 2 abul. Kan mah lei siikhan ah cun pumhlainak ngan cu kan tuah kho lo. Hlainak khan tu cu aum ko, Sii Bawi zong aum ko ” tiah Ko Zaw Man nih achim.
Bomb nih puahmi 2 chung in apa U Zaw Ngai cu, PhuKhaYo(ဖိုးခယို) khua ah zing sml 11:09 ah a nunak aliam.
Kum 2 asi mi afa pa te cu akut dong 2 abul i tu hi sii thlop lio pi asi tiah achim chap. Tu lio ah Mindat- Matupi lam ah hin CDF – Mindat nih uknam khua hna ah an um i CDF lei in bomb an hmat mi hna cu thianh dih an si cang i ralhrang nih hmanh mi vawlei chung phum mi bomb hna cu
thianh ding ah ahar ngaingai tiah Ko Zaw Man nih achim. ” Mah lam le hmunhma hna cu CDF nih uk asi cang i khuami hna zong khua ah an tlung pah cang.
Ralhrang hna nih an riahnak hmun an kal nak hmun lam kip ah bomb an hmanh dih hna, bomb hna cu an taang rih. Kan mah nih kan hmanh mi hna cu kan thianh dih cang . Atu bomb hi cu ralhrang nih hmanh mi a si caah kawl ahar ngaingai. Bomb kawlnak seh kan ngeih lo caah ahar ngai ” tiah Ko Zaw Man nih Yangon khit thit ah achim. Cre-TCP